मन्थली,मङ्सिर ५ गते । जिल्लामा जुनार सँग सम्बन्धित विभिन्न काम गर्न सहयोग पुगोस भन्ने उद्देश्यले प्रधानमन्त्री कृषि आधुनिकिकरण परिायोजनाले आफ्नो अगुवाइमा आज बुधवार रामेछापमा जुनार कृषक गुञ्ज बहादुर कार्कीको नेतृत्वमा जुनार जोन सञ्चालन समन्वय समिति गठन गरेको छ ।
रामेछापको भंगेरीमा आयोजना गरिएको ८० जना भन्दा बढि जुनार कृषकहहरुको भेलाले गुन्ज बहादुर कार्कीको अध्यक्षतामा ९ सदस्यीय नयाँ कार्यसमिति निर्विरोध चयन गरेको छ ।
यसरी नव गठित समितिमा रहनुहुनेमा उप–संयोजक, सचिब र सह–सचिबमा क्रमशः पदम बहादुर लामा, कैलाश चौहान,चिना कुमार तामाङ हुनुहुन्छ भने सदस्यहरुमा क्रमशः ढाल विक्रम कार्की,दिपक कुमार खत्री,तारादेवी गुर्माछाने मगर, सपना तामाङ, प्रेम कुमारी तामाङ लगाएत रहनु भएको छ ।
यस अघि गठन गरिएको समन्वय समितिको म्याद समाप्त भएकोले प्रधानमन्त्री कृषि आधुनिकीकरण परियोजना कार्यान्वयन म्यानुअल–२०७७ बमोजिम उक्त समिति पुनर्गठन गरिएको परियोजनाकी प्राविधिक सहायक भवानी बस्नेतले बताउनुभयो ।
परियोजनाले जुनार सँग सम्बन्धित सबै खाले काम नव गठित समितिसँग समन्वय गरेर गर्ने बताइएको छ ।
यो बारेमा तपाईको प्रतिकृया