रामेछाप,११ माघ । रामेछाप जिल्लाकोको सदरमुकाम मन्थलीमा कृषि उपज संकलन तथा विक्रि केन्द्र सञ्चालनमा आएको छ ।
पौरखी युवा कृषि सहकारी संस्थाले मन्थली नगरपालिका र फलफुल तथा तरकारी मुल्य श्रृखला विकास आयोजनाको आर्थिक सहयोगमा आईतवारबाट उक्त केन्द संचालनमा ल्याएको हो ।
उक्त केन्द्रको आईतबार मन्थली नगरपालिका प्रमुख रमेश कुमार बस्नेतले एक समारोहका विच उद्घाटन गर्नु भएको थियो । मन्थली नगरविकास समितिको ट्रष्टमा संचालनमा ल्याईएको उक्त केन्दको काम गराईका आधारमा थप ब्यबस्थापनका लागि नगरपालिकाले पछिका दिनमा पनि थप सहयोग गर्ने नगर प्रमुख बस्नेतले बताउनुभयो ।
उहाँले केन्द्रको संचालन सँगै तरकारी तथा फलफुल ब्यवसायमा देखिएको विचौलियाहरूको दब्दवाबाट कृषकहरूले मुक्ती पाउने विश्वास ब्यक्त गर्नु भयो । उहाँले भन्नु भयो – जिल्लामा अहिले सम्म कृषि तथा फलफूल संकलन केन्द्र सञ्चालनमा आउन नसक्दा उत्पादक कृषकहरू समस्यामा परेकोले पनि त्यसको समाधानका लागि मन्थली नगरपालिका लागि रहने बताउनुभयो ।
कार्यक्रमका अध्यक्ष समेत रहेका संचालक संस्थाका अध्यक्ष सुन्दर घिमिरेले सदरमुकाम जस्तो मुख्य बजारमा अहिले सम्म तरकारी संकलन तथा कृषि उपज केन्द्रको अभावमा कृषकहरूले आफ्नो तरकारी सडकमा राखेर न्यून मुल्यमा विक्रि गर्दे आएकोले केन्द्रको संचालन पछि उनीहरूको उत्पादनलाई विक्रिको लागि सहज वातावरण बन्ने वताउनुभयो ।
कार्यक्रममा फलफुल तथा तरकारी मुल्य श्रृखला विकास आयोजनाका डा. राज अधिकारी, जिल्ला कृृषि सहकारी संघका कार्यवाहक अध्यक्ष हिमाल ढुंगेल, नेपाल पत्रकार महासं रामेछापका अध्यक्ष रमेश ढुंगेल रामेछाप उद्योग बाणिज्य संघका अध्यक्ष केशब घिमिरे लगायतले यो कार्य राम्रो भएपनि यसलाई निरन्तरता दिन सक्नु पर्ने कुरालाई जोड दिनुभयो । संकलन केन्द्रमा आजै देखि तरकारीहरु विक्रीका लागि राखिएको छ ।
यो बारेमा तपाईको प्रतिकृया