रामेछाप १९ माघ । रामेछाप जिल्ला सहकारी संघमा हिमाल ढुंगेल निर्वाचित हुनुभएको छ ।
संघको बुधवार मन्थलीमा सम्पन्न चौथो वार्षिक साधारण सभाले ढुंगेलको अध्यक्षतामा ९ सदस्यीय कार्यसमिति निर्बिरोध निर्बाचित गरेको हो ।
यसरी नवगठित समितिमा रहनेहरुमा उपाध्यक्ष,सचिब र कोषाध्यक्षमा क्रमशः श्याम थापा, नविन घिमिरे र योगेन्द्र श्रेष्ठ रहेका छन भने सदस्यहरुमा दिलिप भण्डारी, चन्द्र मानन्धर, सावित्रा केसी लक्ष्मी बुढाथोकी र मेनुका महत रहेका छन् । त्यसैगरी लेखा तथा सुपरिबेक्षण समितिको संयोजकमा छत्रविर श्रेष्ठ र सदस्यहरुमा घना श्रेष्ठ र रबिन्द्र श्रेष्ठ पनि निर्बिरोध निर्बाचित भएका छन ।
संघका अध्यक्ष कोमल शंकर घिमिरेको अध्यक्षता र मन्थली नगरपालिकाका नगर प्रमुख रमेश कुमार बस्नेतको प्रमुख आतिथ्यतामा सम्पन्न उक्त साधारण सभाको उद्घाटन प्रमुख अतिथि बस्नेतले गर्नु भएको थियो ।
कार्यक्रमका अबरमा नगर प्रमुख बस्नेत जिल्ला बचत तथा ऋण सहकारी संघका अध्यक्ष जे एन दाहाल, निवर्तमान अध्यक्ष गोबिन्द प्रसाद घिमिरे, कृषी सहकारी संघका कुमार श्रेष्ठ, जुनार सहकारी संघका पदम तामाङ, बहुदेश्यीय सहकारी संघका अध्यक्ष चन्द्र मानन्धर नेपाल पत्रकार महासंघ रामेछापका अध्यक्ष बद्रि नयाँघरे लगाएतले आ आफ्नो मन्तब्य राख्नु भएको थियो ।
सो अबसरमा बोल्दै प्रमुख अतिथि बस्नेतले झोले सहकारीहरुका दिन अब सकिएकोले मन्थली नगर क्षेत्र भित्र सञ्चालनमा रहेका सहकारी हरुले नीति र बिधि पालना गर्न आग्रह गर्नु भयो । उहाले नगरपालिकाले सहकारी संघ सँग मिलेर धेरै काम गर्न सक्ने भन्दै भाखा नाघेका ऋण असुल उपर गर्न पनि नगरपालिकाले आबश्यक समन्वय गरिदिने बताउनुभयो ।
यो बारेमा तपाईको प्रतिकृया