रामेछाप, २४ माघ । वसन्त पञ्चमी तथा नवौं राष्ट्रिय पुस्तक दिवस आइतवार देशभर बिबिध कार्यक्रमका साथ मनाइएको छ ।
सो अवसरमा नेपाल पुस्तक तथा स्टेशनरी व्यवसायी महासंघ काठमाण्डौ शाखाले डिल्लिबजारमा रहेका कैदी बन्दीहरुलाई समय कटाउन सहज होस भनि बिभिन्न खालका पुस्तकहरु कारागार प्रशासन लाई पुस्तकहरु हस्तान्तरण गरेको छ ।
काठमाणडौमा रहेको विभिन्न प्रकाशनहरुवाट संकलन गरी करिव ७ लाख ५० हजार मुल्य वरावरको एक हजार दुई सय थान पुस्तकहरु उपलब्ध गराइएको थियो ।
काठमाण्डौ शाखाका अध्यक्ष श्री आचार्यको नेतृत्वमा डिल्लीवजार पुगेको उक्त टोलीले महासंघका महासचिव शिवसागर शर्माको उपस्थितिमा राजनैतिक, धार्मिक, संस्कृतिक, साहित्यिक, ब्यक्तित्व विकास, भाषा र सकारात्मक सोच अभिवृद्धि गर्ने खालका पुस्तकहरु कारागार प्रमुख वसन्त राज पुरीलाई हस्तान्तरण गरीएको हो ।
पुस्तकहरु बुझ्दै कार्यालय प्रमुख पुरीले यति धेरे पुस्तकहरु कारागारका कैदी वन्दीहरुलाई उपलब्ध गराएको प्रति महासंघलाई धन्यवाद दिदै राज्यले नगरेको काम महासंघले गरेको भन्दै खुसी ब्यक्त गर्नुभयो । उहाले र जेल जीवन को समय कटाइरहेको कैदीहरुलाई यस्ता पुस्तकले ज्ञान बृद्धि हुनुका साथै आगामी दिन देखि अपराधिक कृयाकलाप संम्लग्न नहुने खालका सकरात्मक सन्देश दिने पनि बताउनुभयो ।
सो अबसरमा बोल्दै महासंघका महासचिब शिवसागर शर्माले हरेक वर्ष बसन्त पञ्चमी एबं पुस्तक दिवसका अवसरमा महासंघले यस्ता खालका बिभिन्न सामाजिक कामहरु गर्ने गरेको भन्दै पुस्तकको महत्व वढाउन र कैदीबन्दीहरुलाई समय कटाउन सहज होस र पठन संस्कृतिको पनि बिकास होस भन्ने उद्देश्यले पुस्तकहरु उपलब्ध गराइएको बताउनुभयो ।
कार्यक्रममा नेपाल पुस्तक तथा स्टेशनरी व्यवसायी महासंघका केन्द्र, प्रदेश र जिल्ला शाखाका पदाधिकारीहरु, सदस्य तथा पुस्तक व्यावसायिहरु , जेल प्रशाशन तथा जेलका आन्तरीक कर्मचारी तथा कैदीहरुको उपस्थिति थियो ।
यसैगरी सोही अबसर पारेर नेपाल पुस्तक तथा स्टेशनरी ब्यवसायी महासंघ मकवानपुर शाखाले पनि चेपाङ समुदायमा रहेको बिद्यालयमा अध्ययनरत वालावालिकाहरुलाई स्टेशनरी सामाग्रीहरु हस्तान्तरण गरेको छ ।
मनहरी गाँउपालिका वडा नं ४ चिसापानीमा रहको बिद्यालयमा अध्ययनरत शिसु कक्षा देखि ५ कक्षा सम्म अध्ययन गर्ने १ सय ५४ जना बिद्यार्थीहरुलई करिब १ लाख २५ हजार रुपैया बरावरको स्टेशनरी सामाग्रहरु बितरण गरिएको शाखाका अध्यक्ष बिज्ञान रीमालले बताउनुभयो ।
शाखाले बिद्यार्थीहरुलाई बिद्यालयमा आबश्यक पर्ने कापी पेन्सील इरेजर, कटर, कलर बक्स डटपेन, साइनपेन, औजार बक्स र बिद्यालयलाई खेलकुद कार्यक्रम गराउन सहज होस भन्ने उद्देश्यका साथ फुटवल ,भलिवल, क्रिकेट सेट, क्यारिमबोर्ड, लुडो सेट, लगाएतका सामाग्रीहरु उपलब्ध गराएको हो ।
कार्यक्रम शाखा अध्यक्ष बिज्ञान रिमालको अध्यक्षता र केन्द्रीय सह कोषाध्यक्ष किरण बाबु न्यौपानेको प्रमुख आतिथ्यतामा सम्पन्न भएको हो । कार्यक्रममा महासंघका केन्द्रीय सदस्य बासु न्यौपाने, लगाएत जिल्ला शाखाका पदाधिकारी एबं सदस्यहरु र बिद्यालयका प्रधानाध्यापक राजेन्द्र न्यौपाने सहित शिक्षक ,शिक्षिकाहरु र अध्ययनरत वालवालिकाहरुको उपस्थिति रहेको थियो ।
यसैबिच सोहि अवसर पारेर नेपाल पुस्तक तथा स्टेशनरी ब्यवसायी महासंघ जिल्ला शाखा सिन्धुलीले पनि शैक्षिक सामाग्री हस्तान्तरण गरेको छ ।
कमलामाइ नगरपालिकाको श्री आधारभूत बिद्यालय फाल्चुरी खट्टारमा अध्ययन गर्ने वालवालिकाहरुलाई शैक्षिक सामाग्री हस्तान्तरण गरिएको हो ।
शाखाका अध्यक्ष धन बहादुर कार्कीको अध्यक्षता र नेपाल पुस्तक तथा स्टेशनरी ब्यवसायि महासंघ केन्द्रीय समतिका लेखा समिति संयोजक बासु भेटवालको प्रमुख आतिथ्यतामा उक्त कार्यक्रम सम्पन्न भएको हो ।
कार्यक्रममा महासंघ जिल्ला शाखाका पदाधिकरी एबं सदस्यहरु बिद्यलयका प्रधानाध्यापक र शिक्षक, शिक्षिका एबं बालावलिकाहरुको उपस्थिति रहेको थियो ।
त्यसैगरी पर्शा शाखाले पनि द्वार देवी मावि अलौमा शैक्षिक सामाग्री बितरण गरेको छ । शाखाका अध्यक्ष रोहित ब्याहुतको अध्यक्षता र प्रदेश नं २ का निवर्तमान अध्यक्ष मुकेश सिंहको प्रमुख आतिथ्यतामा कार्यक्रम सन्पन्न भएको हो । कार्यक्रममा जिल्ला शाखाका पदाधिकारीहरु, बिद्यालयका प्र अ, शिक्षक, शिक्षिकाहरु र बिद्यार्थीहरुको सहभागिता रहेको थियो ।
यसैगरी सो अवसर पारेर देश भर रहेका नेपाल पुस्तक तथा स्टेशनरी ब्यवसायी महासंघको प्रदेश शाखा र जिल्ला शाखाहरुले बिभिन्न रचनात्मक कार्यक्रमहरु गरी नवौं पुस्तक दिवस मनाएको समाचारहरु प्राप्त भइरहेका छन् ।
नेपाल पुस्तक तथा स्टेशनरी व्यवसायी महासंघले हरेक बर्ष श्री पञ्चमीलाई राष्ट्रिय पुस्तक दिवसका रुपमा मनाउँदै आइरहेको छ ।
यो बारेमा तपाईको प्रतिकृया