रामेछाप उद्योग वाणिज्य संघले फागुन २७ मा तोक्यो अधिबेसनको मिति

रामेछाप । रामेछाप उद्योग वाणिज्य संघले आफनो आठौँ जिल्ला अधिवेशन तथा १४ साधारण सभा क्रमश माघ गर्ने भएको छ । विहिबार कार्यालयको आफनै हलमा बसेको ३५ औ बैठकले आगामी माघ २१ गतेका दिन १४ साधारण सभा र फागुन २७ गते शनिबार ८ औँ जिल्ला अधिवेशन गर्ने निर्णय गरेको हो ।
सङ्घको । १४ औँ साधारण सभा र अधिबेसनका का लागि नेपाल उद्योग वाणिज्य महासंघका वरिष्ठ उपाध्यक्ष चन्द्र प्रसाद ढकाल प्रमुख अतिथिका रुपमा सहभागि हुने निर्णय भएको संघका सचिव सचिव सुरेश उदासले जानकारी दिनुभयो । साधारण सभा पछि हुन लागेको अधिबेसनले रामेछाप उद्योग वाणिज्य सङ्घको नयाँ नेतृत्व चयन गर्ने जानकारी पनि उदासले दिनुभयो ।
संघले आफनो अधिवेशनको मिति तोकिएसँगै कार्यालयले आफनो तयारीलाई तिब्र बनाएको छ भने व्यवसायीहरूमा निर्वाचनको चहलपहल बढेको छ । रामेछाप उद्योग वाणिज्य संघको छाता भित्र रामेछाप नगरपालिका बाहेकका मन्थली नगरपालिका र ६ वटा गाउँपालिका गरी ७ वटा पालिकाका एक हजार ४ सय ८ जना सदस्य रहेका छन् । यस मध्ये अधिवेशनमा नेतृत्व चयनका लागि निर्वाचन गर्नु पर्नै अबस्था आए कुल एक हजार ३ सय ८७ सदस्य मतदाताका रुपमा सहभागि हुन पाउने ब्यवस्था रहेको संघका कार्यकारी प्रमुख नविन केसिले बताउनु भयो ।
नयाँ नेतृत्वका लागि अध्यक्षको आकांक्षीका रुपमा बर्तमान अध्यक्ष ,उपाध्यक्ष र महासचिब लगायतको नाम चर्चामा आएको भएपनि सबैलाई समेटेर सर्वसम्मत रूपमा अध्यक्ष लगायतका पदाधिकारी चयन गर्ने प्रयास भईरहेको पनि बुझिएको छ ।