चम्पादेवी अध्यक्षकप प्रतियोगितामा रामेछापको गोकुलगंगा पुरस्कृत

रामेछाप २६ फागुन । ओखलढुंगा जिल्लाको चम्पादेवी गाउँपालिकाले संचालन गरेको प्रथम अध्यक्षकप भलिवल प्रतियोगितामा रामेछाप जिल्लाको गोकुलगंगा गाउँपालिका पुरस्कृत भएको छ । विहिबार सम्पन्न भएको प्रतियोगिता अन्र्तगत भएको प्रतिस्पर्धामा गोकुलगंगा गाउँपालिकाले मेडल,कप,प्रमाण पत्र र एक लाख नगद जित्न सफल भएको हो ।
प्रतियोगितामा ओखलढुंगाको चिशंखुगढी गाउँपालिकाले आयोजक चम्पादेवी गाउँपालिकालाई हराउदै प्रथम स्थान लिन सफल भएको थियो । प्रथम उपाधी विजेता चिशंखुगढी गाउँपालिकाले नगद दुई लाख सहित शिल्ड मेडल र प्रमाण पत्र पुरस्कार प्राप्त गरेको छ भने दोश्रो हुन सफल भएको चम्पादेवी गाउँपालीकाले नगद एक लाख ५० हजार रुपैयाँ सहित शिल्ड मेडल र प्रमाण –पत्र प्राप्त गरेको थियो । त्यसैगरि प्रतियोगिता अन्र्तगत ओखलढुंगाको लिखु तामाकोशी गाउँपालिका सान्त्वना हुन सफल भएको छ । उसले ४० हजार नगद सहित शिल्ड मेडल र प्रमाण पत्र पुरस्कार प्राप्त गरेको हो ।