तिलगंगा आँखा केन्द्रले मन्थलीमा नयाँ भवनको उद्घाटन् गर्यो

रामेछाप ३० असोज । करिव २५ बर्ष अघिवाट आँखाको परिक्षण र उपचार सेवा गर्दे आएको सदरमुकाम मन्थली स्थीत तिलगंगा सर्जिकल सामुदायिक आँखा केन्द्रको नव निर्मित भवनको एक समारोहका विच उद्धघाटन गरिएको छ । २ बर्ष अघि निर्माण कार्य सुरु गरिएको उक्त सो भवनको भिजन हिमालय फाउन्डेशनका उपाध्यक्ष डा.रोमन ग्रेम्जरले उद्धघाटन गरेका हुन् । भवन उद्घाटन सँयुक्त रुपमा गर्नका लागि मन्थली नगरपालिकाका प्रमुख लव श्रेष्ठ लाई पनि आमन्त्रण गरिएकोमा वहाँ विशेष परिस्थीतिका कारण देखाउँदै अनुपस्थित भएपछि भवनको उद्घाटन डा.रोमन ग्रेम्जरले एकल रुपमा गरेका थिए ।
समाजसेवी स्वर्गिय जगदीश घिमिरेको भिजन र नेतृत्वमा तामाकोशि सेवा समितिको समेत सहयोग र सक्रियतामा २५ बर्ष अघिवाट सेवा आरम्भ गरेको तिलगंगा सर्जिकल सामुदायिक आँखा केन्द्रको नब निर्मित भवनको निर्माणकार्य भिजन हिमालय फाउन्डेशन स्विजरल्यान्डको ५५ प्रतिशत र वाँकि तिलगंगा सर्जिकल सामुदायिक आँखा केन्द्रको आन्तरिक सहयोग समेत गरि कुल १ करोड ५० लाखको लागतमा निर्माण भएको हो । आर्थिक सहयोगमा भवन निर्माण भएको हो । अप्रेसन थियटर लगायत केन्द्रिय अस्पताल सरह सेवा प्रवाह सँचालन गर्ने सहित दिर्घकालीन सोचका साथ निर्माण गरिएको उक्त अत्याधुनीक भवनले पुर्णता पाउनका लागि भने निर्माणको काम केहि प्रतिशत बाँकि रहेकोले केहि समय कुर्नु पर्ने अवस्था रहेको अस्पताल समितिका निर्देशक डा सुमन कर्माचार्यले जानकारी गराए । उनले उपाध्यक्ष डा.रोमन ग्रेम्जर शुक्रबारनै केहि समयका लागि आफनो देश फर्कन लागेकोले अस्पतालले भावि दिनमा सेवा भवन बाटै दिन सकियोस भनेर बाध्य भएर उक्त भबनको औपचारीक रुपमा उद्घाटन् गर्नु परेको जानकारी पनि गराए ।
उनले भवनको फिनिसिङ लगायतका केहि वाँकी काम भईरहेको र सम्पन्न हुनासाथ तिलगंगा सर्जिकल सामुदायिक आँखा केन्द्र रामेछापकोे सबै सेवाहरु नयाँ भवनबाट सुचारु हुने जानकारी पनि गराए । तिलगंगा आँखा प्रतिष्ठान काठमाण्डौँ र तामाकोशी सेवा समितिको सहकार्य र क्योर ब्लाईन्डनेस प्रोजेक्टको सहयोगमा तिलगंगा सर्जिकल सामुदायिक आँखा केन्द्र सदरमुकाम मन्थीलीको तामाकोशि सेवा समिति र मन्थली अस्पताल गरि दुई स्थान र दोरम्बा सुनापति र उमाकुण्ड गाउँपालिका वाहेक सवै स्थानिय निकायका मुख्य अस्पताल हरुमा सँचालन भई रहेको पनि सो अवसरमा जानकारी गराईएको थियो ।
वाँकि रहेका पालिका हरुमा पनि सेवा सँचालन चाँडैनै गर्ने गरि पालिकाहरु सँग समन्वय गरि काम भईरहेको जानकारी पनि सो अवसरमा गराईएको थियो । तिलगंगाले आँखा केन्द संचालनमा ल्याएदेखी रामेछाप जिल्लाको अलावा छिमेकी जिल्ला ओखलढुँगा ,सिन्धुली र दोलखा जिल्लाका समेत गरि बर्षेनी हजारौ
आँखाका बिरामीले सहज रुपमा सेवा पाउँदै आएका छन ।