रामेछाप । जिल्लाको उमाकुण्ड गाउँपालिका वडा नं २ वाम्तीभण्डारमा रहेको प्रशिद्ध गुम्वाका पुजारी एक जना लामा गुरु गुम्वाबाटै पक्राउ परेका छन् । उक्त गुम्वाका पुजारि ६२ बर्षिय बङग्युर पल्युल छेवाङ छयोइलिङ का पुजारी सर्की शेर्पा गत मंगलवार गुम्बाभित्र एक जना महिला संग अनैतिक क्रियाकलाप गरेको आरोपमा गुम्वाबाटै पक्राउ परेका हुन् ।
जिल्ला प्रहरि कार्यालय रामेछापले दिएको जानकारी अनुसार स्थानिय एक जना २४ वर्षिय युवतीसँग गुम्वाभित्रै आपत्तिजनक अवस्थामा लामालाई देखेपछि गाउँलेहरुले प्रहरी चौकी बाम्तीभण्डारमा खबर गरेका थिए । सोहि आधारमा दुबैजनालाई मंगलावर पक्राउ गरि बुधवार जिल्ला प्रहरी कार्यालयको हिरासतमा राखेको छ ।
घटनामा संलग्न दुबैजनालाई जिल्ला प्रशासन कार्यालय रामेछापवाट १० दिनको थुनामा राख्ने म्याद थप गरि थप अनुसन्धान भइरहेको जिल्ला प्रहरी कार्यालय रामेछापका प्रवक्ता श्रीशंकर श्रेष्ठले जानकारी दिए । उनका अनुसार पक्राउ परेका दुवैजनालाई सांस्कृतिक मूल्य मान्यता, सामाजिक सदाचार र नैतिकता विपरित क्रियाकलाप गरेको अभियोगमा मुलुकी संहिता २०७४ को दफा १२३(१) बमोजीम मुद्धा चलाईने छ ।
यो बारेमा तपाईको प्रतिकृया