रामेछाप १६ असार । जिल्लाका कारागार रामेछापमा कैद भुक्तान गर्दै आएका १ सय २१ कैदिबन्दीको निःशूल्क आँखा परिक्षण गरिएको छ ।
तिलगंगा आँखा प्रतिष्ठान काठमाडौंको आयोजना, जिल्ला सामुदायिक आँखा केन्द्र मन्थलीको समन्वयमा असार १४ र १५ गते जिल्लाको पुरानो सदरमुकाम रामेछाप नगरपालिका वडा नं ८ रामेछाप कारागारमा कैदभुक्तान गर्दै आएका एक सय २१ जना कैदीबन्दिको निःशुल्क आँखा परिक्षण गरिएको हो ।
लामो समयदेखि विभिन्न अपराधिक गतिविधिमा संलगन रहेको आरोपमा जिल्ला कारागारमा रहेर कैद भुक्तान गर्दे आएका मध्य परिक्षण गराएका मध्य ४ जना मध्य २ जनालाई जल बिन्दु र २ जनालाई मोतिया बिन्दु भएको पाईएकोले थप उपचार र सल्यक्रियाको लागि तिल गंगा आँखा केन्द्र काठमाडौमा रेफर गरिएको शिविरका सहभागि स्वास्थकर्मि तील गंगा आँखा केन्द्र मन्थलीका आँखा स्वास्थ्य कार्यकर्ता पुष्कल घिमिरेले जानकारी दिए । उनीहरुमा आँखा चिलाउने, पाक्ने, मोतियाबिन्दु, जलबिन्दु र मासु पलाएको लगाएतका समस्या देखिएको पनि घिमिरेले जानकारी दिए । शिविरमा रासमका सदस्य हरुले सहभागि केदि बन्दिहरुलाई सहयोग उपलब्ध गराएको रासम सदस्इ विपीन भट्टराईले जानकारी दिए ।
नेत्रसहायक उमेश तमाङ नेतृत्वमा गरिएको परिक्षणमा जेल जिवन बिताउदै आएका कैदीले आफूहरुको निःशूल्क आँखा परिक्षण हुदाँ हर्षित भए ।
विभिन्न अपराधिक गतिविधिमा संलग्न रहेको भन्दै अदालतले जेल चलानको लागि अनुमति दिएपछि जेल जिवन बिताउन बाध्य भएका उनीहरुको स्वास्थ्य रहन पाउने अधिकारलाई लक्षित गर्दै परिक्षण गरिएको हो ।
आँखा परिक्षण कार्यक्रममा बोल्दै कारागार प्रमुख रामकृष्ण घिमिरेले कैद भुक्तान गर्दै आएका कैदी बन्दीको स्वास्थ्यसंगै सिपमूलक काम गर्ने वातावरण बनाउन आवश्यक रहेको सुनाए । उनले त्यसको लागि आवश्यक सामानको व्यवस्थापन गराइदिने सम्बन्धित निकायलाई ध्यानाकर्षण गरे ।
त्यस्तै रासम सदस्य जय मानन्धरले कैदी पनि मानवनै रहेको भन्दै उनीहरुलाई गर्ने व्यवाहार मानविय हुनु पर्नेमा जोड् दिए । पहल र रामेछाप सहयोगी मनहरु (रासम) को सहकार्यमा दुई दिने निःशूल्क आँखा परिक्षण गरिएको रासमका सदस्य बिपिन भट्टराईले रामेछाप टाइम्सलाई जानकारी दिए ।
यो बारेमा तपाईको प्रतिकृया