रामेछाप २१ साउन । सदरमुकाम मन्थली स्थीत मन्थली माविका सयौ छात्र छात्राले उपयोग गर्दे आएको खानेपानीको मुहान रनजोर खोलाको कटानले जोखिममा परेको छ । बर्षाे देखि मन्थली मावि र क्याम्पस परिवारले समेत प्रयोग गर्दे आएको रनजोर लिफट खानेपानीको ईनारको छेउ सम्मै रनजोर खोलाले कटान गरेपछि उक्त खानेपानीको ईनार जोखिममा परेको हो ।
विद्यालयमा देखिएको खानेपानी समस्याको दीर्घकालिन समाधानका लागि बिद्यालयले २० बर्ष अघि आन्तरिक श्रोतबाट निर्माण गरिएको ईनारको पानिलाई लिफट गरी तानिएको खानेपानी विद्यालय र क्याम्पसमा अध्ययनरत छात्र छात्राहरुले उपयोग गर्दे आएका छन् । यस बर्ष रनजोर खोलामा आएको बाढिका कारण ईनार आसपासको करिब ५० रोपनि खेत बगाउनुका साथै खानेपानीको ईनार बगाउन सक्ने संभाबना भएपछि विद्यालयका लागि त्यसको ब्यवस्थापन पक्ष चुनौति बनेको छ ।
विद्यालयमा खानेपानीको समस्या समाधानका लागि मन्थली १ मच्छेडाँडी बस्ने स्वर्गिय गोविन्द प्रसाद सुवेदीले विद्यालयका नाममा निजि जग्गा दान दिएपछि उक्त जमिनमा विद्यालयले खानेपानीर्का ईनार निर्माण गरको थियो । योजना सम्पन्न भए संगै मन्थली स्कुल र क्याम्पस हाता भित्रका लागि पानीको समस्या दिर्घकलिन रुपमा समाधान भएको थियो । खानेपानीको दिर्घकालीन समस्या संगै विद्यालय क्षेत्र भित्रको हरियाली प्रर्बद्धन अभियानलाई पनि उक्त पानि बरदान सावित भएको शिक्षक टंक राज सुवेदीले जानकारी दिनुभयो ।
विद्यालयमा पर्याप्त पानी भएपछि विद्यालय क्षेत्र भित्रको करिब २० रोपनि जमिनमा फलफूल लगायत विभिन्न प्रजातिका विरुवा लगाईएको छ । जसमा ५ सय बोट विरुवा त फल दिने अबस्थामा पुगेका छन् । विद्यालय क्षेत्र भित्र छाएको हरियालीका कारण विद्यालय क्षेत्रलाई निकै सुन्दर बनाएको छ । सबै खाले विरुवामा नियमित सिंचाई गर्नै ब्यवस्था विद्यालयले मिलाएको छ । हाल विद्यालय
खोलाको कटानले मुहान जोखिममा परेपछि विद्यालयले तत्त्काल त्यसको संरक्षणका लागि मन्थली नगरपालिका लगाएतका केहि सरोकार वाला निकाय समक्ष अनुरोध गरि सकिएको पनि शिक्षक टंकराज सुवेदीले जानकारी गराउनु भयो । उक्त खानेपानीको ईनार बगायो भने शिक्षक विद्यार्थि समेत गरि दैनिक करिब ४ हजार विद्यार्थि खानेपानीबाट प्रभावित हुने शिक्षक टंकराज सुवेदीले जानकारी दिए । उनले भने त्यसका लागि तत्काल काम शुरु गरिहाल्नु पर्ने र अन्यथा ईनार जुनसुकै बेला पनि जोखिममा पर्ने अबस्थामा रहेको छ ।
यो बारेमा तपाईको प्रतिकृया