रामेछाप ३० जेठ । संकट तथा महामारीमा सर्वसाधारणलाई पटक–पटक सहयोग गर्दै आएको प्रयास नेपालले रामेछाप नगरपालीका ८ को लामागाउँका कोरोना संक्रमित ४० घर साई परिवारलाई नेपाली काँग्रेस रामेछापको प्रदेश क बाट प्रत्यासि रत्न कार्कीको पहलमा संस्थाले आईतबार उक्त खाद्यन्न सहयोग उपलब्ध गराएको हो । रामेछाप नगरपालीकाका उपमेयर सृजना खड्काले संक्रमितहरुलाई खाद्यन्न सामाग्रि हस्तान्तरण गर्नु भएको हो ।
गाउँ–गाउँमा कोरोना संक्रमितहरुको संख्या बढेको बेला रामेछाप बजार संगै जोडिएको उक्त बस्तिमा ६० जनामा पिसिआर परिक्षण गर्दा एकै पटक ५६ जना संक्रमित भएपछि उक्त बस्तिलाई रामेछाप नगरपालीकाले सिल गरेको थियो ।
अधिकांस साई जातिको बसोबास रहेको लामागाउँ बजार संगै जोडिएर पनि त्यहाँका अधिकांश मानिसहरु ज्याला मजदुरी बाट जिविका गर्दै आएका छन । जसका कारण संक्रमित उक्त गाउँका सर्वसाधारणले ज्याला मजदुरी समेत गर्न पाएका थिएनन् ः परिणाम बस्तिमा खाद्यान्नको समेत समस्या भएको थियो ।
वडा नं ८ को समन्वयमा काँग्रेस नेता रत्न कार्किले सहयोगी संस्था प्रयास नेपाल मार्फत साई बस्तीमा उक्त खाद्यन्न सहयोग गर्नु भएको हो ।संस्थाले प्रति परिवार १ बोरा चामल, १ क्रेट अन्डा, २ लिटर खाने तेल र ५ केजी गेडागुडी वितरण गरेको सहयोगि संस्था प्रयास नेपालका अध्यक्ष मनि जोशिले जानकारी दिनुभयो । कार्यक्रममा सहयोगी काँग्रेस नेता रत्न कार्कि, नेपाली काँग्रेस रामेछाप नगर समितिका सभापति कमल विक्रम कार्कि, रामेछाप नगरपालीकाका वडा नं ७ अध्यक्ष समिर कार्कि , ८ का अध्यक्ष केदार कार्कि, रामेछाप नगर कार्यपालीका सदस्य रुकुम हायु ,वडा नं ८ का वडा सदस्य संन्तोष तामाङ नेपाल पत्रकार महासंघ रामेछापका अध्यक्ष बद्री नयाँघरे, नेपाल पत्रकार महासंघ वाग्मती प्रदेश सदस्य ज्ञानु श्रेष्ठ लगायको सहभागिता रहेको थियो ।
यसै विच संस्थाले आजै रामेछाप नगरापालीकाका विभिन्न स्वास्थ संस्थाका लागि कोभिड विरुद्दको स्वास्थ्य सामाग्रिहरु वितरण गरेको छ । नगरपालीकाका लागि सामाग्रि बोकेर कार्यालयमानै पुगेको टोलीले नगरपालीकाका मेयर नर बहादुर थापा मगर मार्फत बडा अध्यक्षहरुको रोहबरमा ति स्वास्थ्य सामाग्रि प्रदान गरेको हो ।
त्यसैगरि आजै संस्थाकि अध्यक्ष मनि जोसिले नगर प्रमुख नर बहादुर थापा मगरलाई मास्क ९ हजार पीस, १२ पीस अक्सिमिटर, १२ पीस थर्मलगन, ६० लिटर सेनेटाईजर, डिस ईन्फेक्टेन्ट झोल ४० लिटर , पिपिई २० थान प्रदान गर्नुभएको थियो ।
यो बारेमा तपाईको प्रतिकृया