रामेछाप– रामेछाप नगरपालिका ७ नं. वडा नम्बर कार्यालय सुकाजोरले ९० जना कृषकलाई प्रत्यक्ष फाईदा पुग्ने गरी वडा कार्यालयको ५० प्रतिशत अनुदानमा कृषि लक्षित कार्यक्रम ल्याएको छ । कार्यालयले आर्थिक वर्ष २०७६/७७ को वडा स्तरिय वार्षिक कार्यक्रम अन्तरगत ९० जना कृषकलाई फाइदा पुग्ने गरी ५० प्रतिशत आफ्नो लगानी गरी साझेदारीमा काम गर्न इच्छुक सहकारी, कृषि समूह तथा कृषकहरुलाई सूचना मार्फत निवेदन माग गरेको छ ।
वडा कार्यालयले कृषक प्रोत्साहन तथा सहयोग कार्यक्रम अन्तरगत प्लास्टिक पोखरी र प्लास्टिक टनेला निर्माणको लागि ४४ जना, व्यवसायिक कुखुरा/बंगुर/बाख्रा पालक कृषक साझेदारी कार्यक्रम मार्फत ९ जना, राँगो पालक कृषक साझेदारी कार्यक्रमको लागि २ जना, महिला कृषक प्रोत्साहन तथा सहयोग कार्यक्रम– प्लास्टिक टनेल निर्माणको लागि १० जना र महिला कृषक प्रोत्साहन तथा सहयोग कार्यक्रम– सिंचाई गर्न हजारी खरिदको लागि २७ जना कृषकलाई लक्षित गरी कार्यक्रम ल्याइएको वडाध्यक्ष समिर कार्कीले बताउनुभयो ।
वडाध्यक्ष कार्कीले सहकारी, कृषि समूह तथा कृषकहरुलाई फागुन १० गते भित्र निवेदन पेश गर्न अनुरोध समेत गर्नु भएको छ ।
यो बारेमा तपाईको प्रतिकृया