रामेछाप , १ माघ । रामेछाप जिल्लाको मन्थली नगरपालिकाका नगर प्रमुख रमेश कुमार बस्नेतले नगर सभामा पत्रकारहरुलाई गरेको गालिको विषयलाई लिएर नेपाल पत्रकार महासंघ लगायतका पत्रकारहरुका विभिन्न पेशागत संगठनहरुले आपत्ति जनाएका छन् ।
यहि पुस २८ गते मंगलबार मन्थली नगरपालिकाको आठौं नगर सभामा नगर प्रमुख वस्नेतले आफ्ना धाराणा राख्ने क्रममा नगरसभामा पत्रकारहरुको अनुपस्थिति भएको विषयलाई लिएर दिएको अभिब्यक्ति असान्र्धर्भिक, अनैतिक र अशोभनिय भएको भन्दै उहाँको भनाई प्रति उनहरुले आपत्ति जनाएका हुन् ।
विहिबार नेपाल पत्रकार महासंघ र नेपाल प्रेस युनियनले छुट छुट्टै बिज्ञप्ती जारी गरी उक्त भनाइको भत्र्सना गरेका छन् । त्यसैगरी नेपाल आदिवासी जनजाति पत्रकार महासंघ (फोनिज) नेपाल फोटो पत्रकार महासंघ, राष्ट्रिय दलित पत्रकारसंघ नेपाल, क्रियाशिल पत्रकार महिला समुह (डब्लु डब्लु जे),सञ्चारिका समुह रामेछाप र रिपोटर्स क्लव नेपाल रामेछापले संयुक्त रुपमा विज्ञप्ति निकालेर नगर प्रमुख बस्नेतलाई कुनैपनि पत्रकारहरु लाइन लागेर पैसा लिन वा खान मन्थली नगरपालिकामा गएको भए नगर प्रमुख लाई नाम सार्वजनिक गर्न चुनौति दिएका छन् ।
यो बारेमा तपाईको प्रतिकृया