रामेछाप १९ साउन । नाचगान र कला सिक्न चाहनेहरूका लागि सदरमुकाम मन्थलीमा नाचगान र योगा केन्द्र सञ्चालनमा आएको छ । शुक्रवार मन्थली नगरपालिकाकी उप – प्रमुख ईश्वरी बस्नेतले रिबन काटेर कार्यालयको उद्घाटन गरे सँगै उक्त केन्द्र सञ्चालनमा आएको हो ।
नेपाल महिला मगर सङ्घ जिल्ला समन्वय समिति रामेछापको अगुवाइमा बुद्धकला केन्द्र समन्वय समिति समेतले सञ्चालन गर्न लागेको उक्त केन्द्रलाई शनिवारबाट सञ्चालनमा ल्याइने आयोजक नेपाल महिला मगर सङ्घ रामेछापकी अध्यक्ष तारा रैका मगरले बताउनु भयो । प्रशिक्षणमा नाच गान,सबै किसिमको प्रहसन र योगा समेत सिकाइने छ । संस्थागत रूपमा सबै कानुनी प्रक्रिया पुरा गरी सञ्चालन गर्न लागिएको उक्त कार्यक्रमको मुख्य डाईरेक्सन कलाकार तथा मुख्य प्रशिक्षक उमेश खड्कीले गर्न लाग्नु भएको जानकारी पनि सो अवसरमा गराइएको थियो ।
सहभागी प्रशिक्षार्थिहरुको माग, समय र व्यस्तता समेतलाई ध्यान दिएर प्रशिक्षणको कार्य तालिका बनाइने र उक्त कार्यक्रममा सबै उमेर समूहका महिला र पुरुषहरू समेत सम्मानित ढङ्गले सहभागी हुन पाउने व्यवस्था समेत गरिने मुख्य प्रशिक्षक उमेश खड्कीले जानकारी दिनु भयो ।
स्थानीय बिपी चौक नजिकै सञ्चालनमा ल्याइएको कला र गलाको माध्यमबाट पनि समाज परिवर्तनमा सहयोग पुग्ने भएकोलेउक्त केन्द्रको संस्थागत विकासका लागि मन्थली नगरले पनि सकेको सहयोग गर्ने प्रमुख अतिथि मन्थली नगर उप प्रमुख ईश्वरी बस्नेतले बताउनु भयो । कार्यक्रममा निमित्त प्रमुख जिल्ला अधिकारी दीपक कोइराला नेपाल पत्रकार महासङ्घ रामेछापका अध्यक्ष बद्री नयाँघरे,नेपाल बार एसोसिएसनका अध्यक्ष पाण्डव प्रसाईँ,वरिष्ठ पत्रकार हिमाल ढुङ्गेल,नेकपा एमालेकी जिल्ला सदस्य शान्ता न्यौपाने लगायतका वक्ताहरूले विधिवत् कार्य आरम्भ गरेको संस्थाको संस्थागत विकासका लागि आफूहरूको पनि सहयोग रहने धारणा राख्नु भएको थियो । कार्यक्रमका अवसरमा कलाकारहरूको विभिन्न प्रस्तुतिले थप मनोरञ्जन दिलाएको थियो ।
यो बारेमा तपाईको प्रतिकृया