रामेछाप । विद्युतीय सवारी साधनको सङ्ख्यामा आएको तीव्रता सँगै जिल्ला सदरमुकाम मन्थलीमा चार्जिङ स्टेसनको अभाव बेहोर्दे आएका विद्युतीय सवारी साधन सञ्चालकहरूले उक्त समस्याबाट मुक्ति पाएका छन् । स्थानीय व्यवसायी प्रमोद श्रेष्ठले शुक्रवार वाट मन्थलीको खाँदवारिमा विद्युतीय सवारी साधन चार्जिङ स्टेसन सञ्चालनमा ल्याएसँगै विद्युतीय सवारी साधन सञ्चालक हरुले उक्त समस्याबाट मुक्ति पाउने भएका हुन् ।
करिब डेढ दर्जन विद्युतीय सवारी साधन मन्थलीबाट सञ्चालन हुँदै आएको लामो समय हुँदा पनि जिल्लामा चार्जिङ स्टेसन नहुँदा काठमाण्डौं बाट जिल्ला सदरमुकाम आउने र मन्थली बाट काठमाडौ जाने यातायातका साधनहरुलाई निकै समस्या हुँदै आएको थियो । देश भर विद्युतीय सवारी साधनको सङ्ख्या वृद्धि भएसँगै मन्थलीमा पनि गाडीको सङ्ख्या पनि सोही तुलनामा वृद्धि भएको भएपनि चार्जिङ स्टेसन नहुँदा गाडीवाला र यात्रीहरूले समेत हैरानी बेहोर्दे आएका थिए । स्टेसन सञ्चालन आएसँग मन्थलीमा अरू विद्युतीय सवारी साधन थप हुने र अरनिको यातायात सेवा समितिले पनि साधन थप्ने तयारी गरी रहेको अरनिको यातायात समिति मन्थली काउन्टरका प्रमुख सुवास फुयाँलले जानकारी दिनु भयो ।
यो बारेमा तपाईको प्रतिकृया