मन्थली ९ भदौ । मन्थली नगरपालिकाले आफ्नो नगरभित्र रहेका माझी समुदायका १३ वटा माझी समूहका लागि मादल भयाली र ढोलक वितरण गरेको छ ।नेपाल माझी उत्थान सङ्घ रामेछापले शनिवार मन्थली मा एक औपचारिक कार्यक्रमको आयोजना गरी उक्त समुदायको संस्कृतिका लागि मर्दा र पर्दा समेत आवश्यक पर्ने भएकोले सबै समूहलाई मन्थली नगरपालिकाका प्रमुख र उप प्रमुखको हातबाट उक्त वाद्यवादन सामाग्री हस्तान्तरण गरिएको हो ।
मन्थली नगरका १३ वटा वडामा आफ्नो सङ्गठन विस्तार गर्ने काम सम्पन्न गरेको भोलिपल्टै नेपाल माझी उत्थान सङ्घले गरेको उक्त कार्यक्रममा बोल्दै नगर प्रमुख लव श्रेष्ठले माझी समुदायको हक हित र अधिकारका लागि नगरले जैले कैलै पनि सहयोग गर्ने बताउनु भयो । माझीहरूको संवृद्धि बिना नगरको संवृद्धि सम्भव नहुने भन्दै प्रमुख श्रेष्ठले यसका लागि नेतृत्वलाई कार्य योजनाका आधारमा अघि बढ्न पनि आग्रह गर्नु भयो ।
सङ्घका अध्यक्ष हरि माझिएको अध्यक्षता सचिव मञ्जु माझिएको सञ्चालनमा भएको उक्त कार्यक्रममा नगरकी उप प्रमुख ईश्वरी बस्नेत,नेपाल पत्रकार महासङ्घका अध्यक्ष बद्री नयाँ घरे,सङ्घका केन्द्रीय सचिव गोपाल माझी,आदिवासी कार्यपालिका सदस्य गणेश माझी, जनजाति महाँसंघका अध्यक्ष शीर बहादुर माझी, कार्यपालिकाका सदस्य गणेश माझी, काठमाडौँ रामेछाप सम्पर्क समिति का अध्यक्ष बालकृष्ण माझी, वरिष्ठ उपाध्यक्ष मनोज माझी र बल बहादुर माझी लगायतले पनि सम्बोधन गर्नु भएको थियो । जिल्लामा रहेका माझी समुदायहरूलाई सङ्गठित गर्दै जाने सङ्घको लक्ष्य अनुसार पहिलो चरणमा मन्थलीका सबै वडामा पुगेर संस्कृतिको जगेर्ना गर्ने मुख्य उद्देश्यका साथ मादल ढोलक र झ्याली हस्तान्तरण गरिएको काठमाडौँ रामेछाप सम्पर्क समिति का अध्यक्ष बालकृष्ण माझीले जानकारी दिनु भयो ।
कार्यक्रममा जिल्ला समितिका पदाधिकारी ,माझी अगुवाहरू र विभिन्न वडा बाट समेत सहभागी हुन आउनु भएका माझी समुदायको उल्लेखनीय उपस्थिति रहेको थियो । मन्थली नगरपालिका भित्र रहेको माझी गाउँमा कुल १३ वटा टोल कमिटी लाई उक्त सामाग्री हस्तान्तरण गरिएको जानकारी पनि सो अवसरमा गराइएको थियो ।
यो बारेमा तपाईको प्रतिकृया