रामेछाप २९ माघ । सामाजिक अगुवा,नेपाली काँग्रेसकी नेतृ नेपाल महिला सङ्घ रामेछापकी संस्थापक अध्यक्ष गणेश कुमारी भट्टराई (कान्छी दिदी )को निधन भएको छ । लामो समय देखि घाँटीको क्यान्सर बाट पीडित भट्टराईको ८५ वर्षको उमेरमा सोमबार बिहान निजी निवास मन्थलीको बिपी चोक नजिकै निधन भएको हो ।
जिल्लामा अगुवा महिलाको रूपमा स्थापित भट्टराईले २०३६ साल देखि नेपाली काँग्रेस संग आबद्ध भएर सक्रिय राजनीतिमा लाग्दै गर्दा नेपाली काँग्रेसको भगिनी संस्था नेपाल महिला सङ्घ रामेछापको संस्थापक अध्यक्ष बन्ने मौका पनि पाउनु भएको थियो । सो क्रममा उहाँ परिवर्तनको पक्षमा पार्टीले विभिन्न समयमा सञ्चालन गरेको आन्दोलनमा पनि सक्रिय भूमिका निभाउँदै आउनु भएको थियो ।
यसै बिच नेपाली काँग्रेसले पनि भट्टराई प्रति गहिरो समवेदनाको कामना पनि गरेको छ । उक्त घटना नेपाली काँग्रेसलाई दुखी बनाएको भन्दै पार्टी सचिव दीपक खड्काले भट्टराईको घटनाले नेपाली काँग्रेस रामेछापले एउटा असल गुमाएको छ भने उहाँको निधनले पार्टीलाई अपूरणीय क्षति पुगेको पनि बताउनु भएको छ ।
एकल जीवन बिताउँदै आउनु भएकी भट्टराईको सबलाई आजै तामाकोशि नदिमा अन्तिम दाहसंस्कार गरिएको थियो । सो अवसरमा नेपाली काँग्रेसका नेताहरूले पाटीको चार तारे झन्डा पनि ओढाएर उहाँको पार्थिव शरीरलाई सम्मान पनि गर्नु भएको थियो । उहाँको निधन प्रति शोकाकुल रामेछाप काँग्रेसले शोक पुस्तिका राखेर १३ दीनका दिन शोक सभा गर्ने कार्यक्रम समेत जनाएको छ । स्वर्गीय भट्टराईको १९९४ फागुन १० गते मन्थलीमा जन्म भएको थियो ।
यो बारेमा तपाईको प्रतिकृया