रामेछाप २ फागुन । जिल्ला ट्राफिक प्रहरी कार्यालय रामेछापले सुरु गरेको रामेछापमा ट्राफिक सप्ताह २०८० आज एक कार्यक्रमका बिच समापन गरिएको छ ।लामो तथा छोटो दुरीमा चल्ने सवारी साधन सञ्चालनका क्रममा हुने सम्भावित सडक दुर्घटना लाई एक न्यूनीकरणका लागि ट्राफिक सप्ताह सञ्चालन गरिएको हो ।
एक हप्ता सम्म ट्राफिक नियमको पालनाका लागि सरोकारवालाहरूलाई सचेतिकरण लगायत विभिन्न प्रयास गरी सडक दुर्घटनालाई न्युनिकरणमा सहयोग पुगोस भन्ने उद्देश्यले गत बिहीबार बाट सुरु भएको वाग्मती स्तरीय ट्राफिक सप्ताह आज स्थानिय देवकोटा चोकमा द्विप प्रज्वलन गरी समापन गरिएको थियो । कार्यक्रममा प्रहरी निरीक्षक रञ्जन गिरी,नेपाल पत्रकार महासङ्घका अध्यक्ष वद्री नयाँघरे मन्थली नपा वडा नं ३ का वडा अध्यक्ष कृष्ण गोपाल थापा र ट्राफिक प्रमुख दीपक चौलागाई लगायतले सप्ताहको महत्व र उपलब्धिका बारेमा प्रकाश पारेका थिए ।
जस अन्तर्गत ट्राफिक प्रहरीले एक हप्ता सम्म ट्राफिक नियमको बारेमा विद्यालयका विद्यार्थी तथा सडक यात्रीहरूलाई सचेतिकरण सबै खालका यातायातका साधन र तीनका चालकहरूलाई अनिवार्य रूपमा पालना गराउने सरकारको लक्ष्य अनुरूप सवारी दुर्घटना न्यूनीकरण सँगै दुर्घटनाबाट आफू पनि बचौँ, अरूलाई पनि बचाऔँ भन्ने मुख्य नाराका साथ सुरु भएको ट्राफिक सप्ताहको मन्थली नगरपालिका प्रमुख लव श्रेष्ठले पानसमा दीप प्रज्वलन गरी उद्घाटन गरेका थिए ।
यो बारेमा तपाईको प्रतिकृया