रामेछाप, ४ फागुन । शुक्रवार बिहान मन्थली नगरपालिका वडा नं ६ को सेलेघाट नजिकै भएको सडक दुर्घटनामा चालक भलुवाजोरको सेलेघाट स्थित सिल्ली बजारमा टिपर पल्टिँदा चालकको घटना स्थलै मृत्यु भएको छ ।
सेलेघाटबजार बाट निर्माणाधीन सुनकोसी मरिन डाइभर्सन आयोजना तर्फ आउँदै गरेको बा २ क ४५०७ नम्बर टिपर स्थानीय सल्लेवजार नजिकै पल्टिँदा चालक अन्दाजी ५० वर्ष उमेरका जयबहादुर माझीको घटना स्थलमानै मृत्यु भएको प्रहरीले जनाएको छ ।
महोत्तरीको बर्दिबास गौरीडाडा वडा नं ४ घर भएका चाकललाई सडकमा पल्टिएर टीपरलेनै चेपेको अवस्थामा फेला पारेको जिल्ला प्रहरी कार्यालय रामेछापले जनाएको छ ।
खबर पाउना साथ दुर्घटना स्थलमा प्रहरी कार्यालय मन्थलीबाट प्रहरी निरीक्षक रञ्जन गिरी नेतृत्वको टोली थप उदर र सहयोगका लागि घटना स्थलमा पुगेको थियो । टिपर सडकबाट अन्दाजी १५० मिटर तल भिरबाट खसेको पनि प्रहरीले जनाएको छ ।
यो बारेमा तपाईको प्रतिकृया