रामेछाप ६ फागुन । जिल्ला प्रशासन कार्यालय रामेछापले रामेछापमा ७३ औँ प्रजातन्त्र दिवस विभिन्न कार्यक्रमका साथ मनाउने भएको छ । नेपाल सरकारले दिवसका दीन सोमबार सार्वजनिक बिदा दिए सँगै रामेछापमा पनि तीन दिन सम्म प्रजातन्त्र दिवस मनाइने भएको हो । कार्यालयले आइतबार सबै कार्यालय र सरोकारवालाहरू समेतलाई लिखित रूपमा पत्राचार गरी सबैलाई प्रजातन्त्र दिवसलाई उल्लास पूर्ण रूपमा मनाउनका लागि पनि सबै सँग आग्रह गरेको छ ।
राष्ट्रिय प्रजातन्त्र दिवस मनाउनका लागि फागुन ६, ७ र ८ गते गरी ३ दीन जिल्लाका सबै सरकारी निकाय, प्रतिष्ठान तथा सङ्घ–संस्थाका कार्यालयमा राष्ट्रिय झन्डा मर्यादा पूर्वक सजाउने, साँझ सम्पूर्ण सरकारी तथा गैर सरकारी कार्यालय र जिल्लावासी नागरिकहरूका घर–घरमा दीप प्रज्वलन गर्नका लागि पनि सार्वजनिक सूचना मार्फत कार्यालयले अनुरोध गरेको छ ।
कार्यालयले त्यस्तै जिल्लामा स्वास्थ्यलाई जोडेर रक्तदान, स्वास्थ्य सचेतना मूलक कार्यक्रम, फरक क्षमताका विद्यार्थीहरूका लागि हितकर शैक्षिक तथा खेलकुद सामग्री वितरण, सार्वजनिक महत्वका स्थानहरू, सामाजिक–सांस्कृतिक तथा ऐतिहासिक पुरातात्त्विक महत्वका सम्पदा स्थलहरूको सरसफाइ र अन्तिम दिन साँझ दीप प्रज्वलन गरेर दिवसलाई उल्लासमय बनाउन पनि जिल्ला प्रशासन कार्यालय रामेछापले आग्रह गरेको छ।
यो बारेमा तपाईको प्रतिकृया