रामेछाप ९ माघ । रामेछापको माझी समुदायको परम्परागत र जातीय रूपमा रहेको मझेसावा पुनर्गठन गरिएको छ । यस अघि परम्परागत रूपमा मौखिक रूपमा प्रचलनमा रहेको मझेसाबालाई हालको युवा पुस्ताले क्रियाशील बनाउँदै त्यसबाट माझी जातिको उत्थान र सशक्तीकरणमा सहयोग पुगोस् भन्ने उद्देश्यले विशेष गरी माझी समुदायको बाहुल्यता रहेको जिल्लाका रामेछाप,मन्थली नगरपालिका र खाँडादेवी गाउँपालिकाका विभिन्न स्थानमा मझेसावाको पुनर्गठन गरिएको गरिएको हो ।
२०८० माघ २० गते आदिवासी जनजाति महासङ्घ जिल्ला संयोजक श्रीबहादुर माझी को अध्यक्षतामा बसेको बैठकले गरेको निर्णयका आधारमा फागुन १ गतेदेखि फागुन ८ गते सम्ममा जिल्लाको माझी समुदायको बाहुल्यता रहेको सबै जसो स्थानमा समिति गठन गरी समितिलाई क्रियाशील बनाउने निर्णयका आधारमा रामेछाप नगरपालिकाको वडा नं ९ रात टार र हर्देनी, मन्थली नगरपालिका वडा नं ६ सेलेघाट लगायतका स्थानमा समितिको गठन गरिएको हो ।
त्यसै गरी फागुन २ गते खाँडादेवी गाउँपालिका वडा नं १ लुभुघाट, कोथबे सित्खा, डफ्खा पुछिघाटमा पनि नयाँ नेतृत्व सहितको मझेसावा गठन गरिएको हो ।
त्यसैगरि फागुन ५ गतेका खाँडादेवी वडा नं ४को रज गाउँमा र सोही दिन मन्थली नगरपालिका वडा नं ६ को भेटौली, मुगिटार र वडारेमा पनि समितिको गठन गरिएको थियो। त्यसै गरी ७ गते वडा नं ८ जखनीटार, गाइखुरा वडा नं २ करम बोट र वडा नं १ मन्थलीमा पनि समितिको गठन गरिएको छ । त्यसै गरी फागुन ८ गते वडा नं ६को नवुघाट, मसानटार, हात्तिटार र कुनौरीमा पनि सम्म मझेसाबा पुनरगठन गरिएको जानकारी मझेसावाका जिल्ला सदस्य बालकृष्ण माझीले दिएका छन् ।
मझेसाबा पुनरगठनका लागि युवा अभियान्ता तथा संयोजक श्रीबहादुर माझी,े नेपाल माझी उत्थान संघका जिल्ला सचिव मन्जु माझी त्यसै गरी वर्तमानमा जिल्ला अध्यक्ष मनोज माझी, सदस्य टेकबहादुर माझी, पुर्व उपाध्यक्ष बलबीर माझी (जवराज), पुर्व समन्वय समितिको सदस्य गणेश बहादुर माझी, पुर्व विद्यार्थी अध्यक्ष बलबहादुर माझी, म.न.पा. अध्यक्ष रामबहादुर माझी, सदस्य मनिषा माझी, सदस्य लेख बहादुर माझी र सदस्य टंक बहादुर माझी समेतको टोली गाउँ गाउँमा पुगेको थियो ।
प्रतिनिधिहरुले संगठनले तोकेको मिति र दिएको जिम्मेवारी अनुसार एक हप्ताको विचमा विभिन्न २० गाउँमा पुगेर मझेसाबा पुनरगठन गरेका थिए।
सो अवसरमा उनीहरूले माझी जातिको प्रचलित परम्परागत रीतिरिवाज र संस्कृतिको जगेर्ना गर्दै उनीहरूको आर्थिक तथा सामाजिक हैसियतमा सुधार गर्दे अघि बढ्नका लागि पनि परम्परागत र अलिखित रूपमा प्रचलनमा रहेको मझेसाबाको सबै गाउँका समितिहरुलाई पुनर्गठन गर्नुपरेको जानकारी पनि सो अवसरमा गराईएको थियो ।
यो बारेमा तपाईको प्रतिकृया