रामेछाप १२ फागुन । सदरमुकाम मन्थली स्थित भैसेश्वरमा श्रीमद्भागवत सप्ताह एवम् पाञ्चायन ज्ञान महायज्ञ आरम्भ भएको छ । शुक्रवार अपराह्न भैसेश्वर मन्दिर स्थलमा भेला भएका भक्तजनहरूले तामाकोशी नदीदेखि मन्थली बजार हुँदै यज्ञ स्थल सम्म जल यात्रा गरी सुरु भएको महायज्ञ अन्तर्गत शनिवार बिहान बाट कथा वाचन आरम्भ गरिएको हो ।
शिव शक्ति कल्याणी साहरा आश्रमको व्यवस्थापन तथा श्रीमद्भागवत सप्ताह एवम् पाञ्चायन ज्ञान महायज्ञ देवीदेवता पूजन ज्ञान महायज्ञ मूल समारोह समितिको आयोजनामा सुरु भएको उक्त महायज्ञ फागुन १९ गते शनिवारका दीन विधिवत् रूपमा समापन गर्ने कार्यक्रम रहेको समितिका सचिव योगेन्द्र न्यौपानेले बताउनु भयो । महायज्ञको एक हप्ता सम्म बिहान ८ बजे वाट बेलुकी ५ बजे सम्म नित्य पूजा सँगै भागबद्धको कथा प्रवचन र बेलुकी ८ बजे वाट राति १०बजेसम्म पनि आरती र हरिकीर्तनको कार्यक्रम निरन्तरता दिने कार्यक्रम समेत रहेको पनि सचिव योगेन्द्र न्यौपानेले जानकारी दिनु भयो ।
महायज्ञ अन्तर्गत एक हप्ता सञ्चालन गरिने कार्यक्रम १८ गते तिल चढाई कथा समापन सँगै राति लाख बत्ती वाली रात्रिमा हरि भजन सहितको जाग्राम कार्यक्रम सञ्चालन गरिने छ भएकोले सबै दिन सबै श्रद्धालु भक्तजनहरूलाई सहभगि भइदिन पनि सचिव न्यौपानेले आग्रह गर्नु भयो । ‘समस्त भक्तजनका पितृ मुक्तिका कामना गर्नै लक्ष्यका साथ आरम्भ गरिएको उक्त महायज्ञमा प्रखर कथा बाचक पण्डित दीपक सापकोटाको मुखारविन्दबाट वाचन हुने श्रीमद्भागवत सप्ताह एवं पाञ्चायन देवीदेवताको पूजन समेत हुने भएको हुँदा यस महान् कार्यमा सक्रिय स सहभागिता जनाई दिनु हुन आम जिल्लावासीहरूलाई समेत आग्रह गरिएको छ । यज्ञको समापन सँगै उठेको भेटी लगायतका सबै सामाग्री शिव शक्ति कल्याणी साहरा आश्रमको जिम्मामा छोडिने पनि आयोजक पक्षले जनाएको छ ।
फागुन १९ गते यज्ञ सु–सम्पन्न र जलप्रसाद वितरण गरी समापन हुने महायज्ञको उद्घाटन रामेछाप नगर पालिकाका प्रमुख लव श्री न्यौपानेले एक औपचारिक कार्यक्रमका बिच गर्नू भएको थियो ।
यो बारेमा तपाईको प्रतिकृया