रामेछाप १२ फागुन । नेपाली काँग्रेसका प्रभावशाली भातृ सङ्गठनको रूपमा पहिचान बनाएको नेपाल तरुण दल रामेछापले आफ्नो जिल्ला सम्मेलन आगामी चैत ३ गते सदरमुकाम मन्थलीमा गर्ने भएको छ ।  शनिवार मातृ पार्टी नेपाली काँग्रेसको कार्यालयमा सङ्गठनका अध्यक्ष दिनेश खड्काको अध्यक्षतामा  बसेको बैठकले सम्मेलनमा युवाहरूको अर्थपूर्ण र उत्साह पूर्ण  भेला गराई सङ्गठनको गतिविधिलाई पुर्नताजगि दिनका लागि उक्त सम्मेलनको आयोजना गर्न लागिएको तरुण दलका जिल्ला अध्यक्ष काजी बहादुर खड्का दिनेशले जानकारी दिए । 

जिल्ला समिति सँगै आठ वटै स्थानीय तहमा गठन भएको तरुणको सङ्गठनलाई भेलाले थप ऊर्जाशील र अनुशासित बनाउँदै दलको  भेलाले गरेको निर्णयका आधारमा साङ्गठनिक विस्तारका लागि मार्ग चित्र निर्माण गर्ने गरी काम गर्ने पनि अध्यक्ष खड्काले बताए ।  सम्मेलनमा जिल्ला भरीका तरुण युवा हरूको व्यापक सहभागिता रहनुका साथै सांगठानीक गतिविधिलाई विस्तार गराउन पनि भेलालाई  वरदान साबित गराउने निर्णय पनि बैठकले गरेको छ । 

  दलका अध्यक्ष काजी बहादुर खड्काले गोकुल गङ्गा गाउँपालिकाको अध्यक्षको जिम्मेवारी पाएपछि प्राय  क्रियाशील हुन नसकेको नेपाल तरुण दलको भेलामा जिल्ला भरिका युवाहरूलाई उतार्नका लागि जिल्ला समितिलाई पुर्णत दिने निर्णय पनि बैठकले गरेको छ । यसका लागि मातृपार्टि नेपाली काँग्रेस सँग समन्वय गरी काम अघि बढाउने पनि निर्णय भएको छ ।

केन्द्रीय सदस्यहरू क्रमशः दीपेन्द्र खड्का, सौरभ केसी, योगेश श्रेष्ठ र रमेश खड्का समेतको विशेष उपस्थितिमा बसेको  बैठकले  भेलालाई ऐतिहासिक र अर्थपूर्ण  बनाउनका सबै प्रक्रिया अवलम्बन गर्नै  निर्णय समेत निर्णय गरेको  दलका जिल्ला सह–सचिव जीवन कार्कीले  जानकारी गराए ।  भेलापछि तरुण दलले आफ्नो साङ्गठनिक  अभियान लाई गाउँ गाउँ सम्म लैजाने पनि सह सचिव जीवन कार्कीले जानकारी गराए ।