रामेछाप २५ फागुन । मन्थली नगरपालिका वडा नं.–१,मच्छेडाँडीमा निर्मित केवलेश्वर महादेव मन्दिरको प्राण प्रतिष्ठा गरिएको छ । स्थानीय हरुको सक्रियता सँगै विभिन्न भक्तजनहरू र स्थानीय सरकार समेतको सहयोगमा निर्माण गरिएको केवलेश्वर महादेव मन्दिरको महा शिवरात्रिका अवसर पारेर राष्ट्रिय पञ्चायतका पूर्व अध्यक्ष श्री नवराज सुवेदीले शुक्रवार प्राण प्रतिष्ठा गर्नु भएको हो ।
महाशिवरात्रि पर्वको पावन अवसर पारेर गरिएको उक्त मन्दिरको प्राण प्रतिष्ठा र पूजा अर्चना पछि प्रमुख अतिथि समेत रहनु भएका राष्ट्रिय पञ्चायतका पूर्व अध्यक्ष सुवेदीले हिन्दु धर्मको रक्षाका लागि नव निर्मित केवलेश्वर महादेवको मन्दिर वरदान साबित हुने बताउनु भयो । उहाँले नव निर्मित मन्दिरको नित्य पूजा गर्नका लागि छुट्टै अक्षय कोष खडा गर्नु पर्ने र त्यसका लागि आफूले पनि सहयोग गर्ने आश्वासन दिनु भयो ।
उहाँले हिन्दु धर्म धर्महरूको पनि मूल धर्म भएकोले यसको रक्षा सँगै प्रचार प्रसारमा पनि सबैले लागि पर्नु पर्ने धारणा राख्नु भयो । पछिल्लो समयमा क्रिष्चियन धर्मालम्बिहरुको दब दवाहटलाई रोक्नका लागि पनि हिन्दु धर्मालम्बिहरुनै जुरमुराउनु पर्नै भन्दै यस तर्फ सबै हिन्दुहरूलाई गम्भीर हुन पनि आग्रह गर्नु भयो ।
स्थानीय अगुवाहरूको निर्देशन र सहकार्य सँगै युवाहरूको सक्रियतामा निर्माण गरिएको उक्त मन्दिर निर्माणका लागि विभिन्न श्रद्धालु भक्तजनहरू बाट प्राप्त आर्थिक सहयोगका साथै मन्थली नगरपालिका वडा नं १बाट ३ लाख,अम्बोटे चउर पुर्वाधार विकास आयोजना बाट ५० हजार,केवलेश्वर मच्छेडाँडी तरकारी उत्पादन समूहबाट १२हजार ६ सय ५५,मच्छेडाँडी पानी टयाँकि खजुरे उपभोक्ता समितिको ५ हजार ३ सय ५५ तथा मच्छेडाँडी आमा समूहबाट ५ हजार ५ रुपैयाँ, नगद सहयोग प्राप्त भएको थियो ।
उक्त मन्दिरका लागि आवश्यक जग्गा स्वर्गीय पिता देवी बहादुर र माता भक्त कुमारीको स्मृतिमा उहाँका छोराहरू स्थानीय कृष्ण बन्धु र श्याम के सी तथा स्वर्गीय हजुरबुवा शिव शङ्कर स्वर्गीय हजुरआमा अम्बिका देवी,र स्वर्गीय बुबा यादव कृष्ण सुवेदी समेतको स्मृतिमा उहाँका छोरा मेघराज सुवेदीबाट प्राप्त भएको र सोही जग्गामा मन्दिर निर्माण गरिएको उक्त मन्दिर निर्माण समितिका अध्यक्ष गोविन्द प्रसाद सुवेदीले जानकारी दिनु भयो ।
प्राण प्रतिष्ठा कार्यक्रममा वडा नं १ का वडा अध्यक्ष होम प्रसाद पौडेल,ज्येष्ठ नागरिक र स्थानीय श्रद्धालुजनहरुको उल्लेखनीय रहेको थियो । सो अवसरमा सहयोगी र जग्गादाताहरूलाई पनि सम्मान गरिएको थियो ।
यो बारेमा तपाईको प्रतिकृया