लगानी सम्मेलनले जुटायो करिव २३ लाखको सहयोग

रामेछाप १२ असार – जिल्लाको राजधानीको रुपमा चिनिने मन्थली नगरपालिकाले बुधबार नगरपालिकाको आफनै हलमा जिल्लाका सरोकारवालाहरुको सहभागितामा लगानी सम्मेलन गरि कारव २३ लाख रुपैयाँका सहयोग जुटाएको छ ।उसले निकट भविष्यमानै स्थानीय बालमैत्री शासनयुक्त नगर घोषणा गर्नका लागि लगानी सम्मेलनको आयोजना गरि विभिन्न सँघ संस्था र दातृहरुबाट समेत गरि उक्त सहयोग जुटाएको हो ।
विभिन्न ५१ वटा सुचकहरु पूरा गरेर नगरका १४ वटै वडाहरुले बालमैत्री वडा घोषणा गरि सकेको नगरपालिकाले बालमैत्री स्थानीय शासनयुक्त नगर घोषणाका लागि लगानी सम्मेलन गरेको र उक्त सम्मेलनका सहभागि सहयोगि मनहरु मध्य अधिकाँसले आवश्यक बस्तुगत सामाग्रि र निश्चित रुपमा नगद सहयोग समेत गरि कुल २३ लाख रुपैयाँ बरावरको सहयोग जुट्ने निश्चित भएको उप सचिव एवं नगरपालिकाका सूचना अधिकारी हेमन्त बुढाथोकिले जानकारी दिए ।
जिल्ला अनुगमन समितिले बालमैत्री शासनयुक्त नगर घोषणाका लागि विभिन्न ५१ वटा सुचकहरु पूरा गरेर गरेको अनुगमनमा सफलता प्राप्त गरि आफना सबै १४ वटै वडालाई एकै दिन एकै समयमा वडा वालमैत्री वडा घोषणा गरेको थियो । बालमैत्री नगर घोषणाका लागि मन्थली नगरपालिकाले जिल्ला अनुगमन समितिबाट नगर मैत्री घोषणाको अनुमतस पाएसँगै त्यसका लागि आवश्यक पर्ने बजेट तथा सामाग्रि जुटाउनका लागि लगानी सम्मेलनको आयोजना गरेको मन्थली नगरपालिकाले जनाएको छ ।
लगानी सम्मेलनमा सदरमुकाममा रहेका अधिकाँस ब्यापारी र ब्यापारीहरु सँग आवद सँस्थाहरु, नेपाल पत्रकार महासँग लगायत विभिन्न मिडियाहरु सँग आवद सँचारकर्मिहरु गैर सरकारी सँस्था ,सहकारी संघ तथा राजनैतिक दल निर्माण ब्यवसायी आदीले नगरले गर्न लागेको बालमैत्री नगर घोषणा अभियानललाई सफल पार्नु सबैको साझा दायीत्व भएकोले यसलाई सफल पार्नका लागि आफुहरु पनि लगानी गर्न तयार रहेको भन्दै लगानी गर्न सक्ने शिर्षकको समेत घोषणा गरेका थिए ।
नगरपालीकाले बालमैत्री नगर घोषणामा सरकारलाई पनि केहि मात्रामा भने पनि सहयोग पुगोस र सबै पक्षको अपनत्व कायम गराउन सकियोस भन्नका लागि पनि लगानी सम्मेलनको आयोजना गरिएको नगर प्रमुख लब श्रेष्ठले जानकारी दिए । उनले नगरको मात्र एकल प्रयासले मात्र सबै काममा सफलता प्राप्त गर्न नसकिने र सबैले आफ्नो दायित्व बोध गराउनु स्थानिय सरकारको दायीत्व भएकोले लगानी सम्मेलन मार्फत सरोकारवालाहरु सबैलाई समेट्ने नगरको प्रयास रहेको पनि प्रमुख श्रेष्ठले जानकारी गराए ।