रामेछाप प्रशासनद्धारा गाउँ गाउँमा राष्ट्रिय परिचयपत्र वितरणको काम तिब्र

रामेछाप ३ भदौ । सरकारले चालु आव देखि सवै खाले कामका लागि राष्ट्रिय परिचयपत्र अनिवार्य गरेपछि विशेष गरि असक्त र जेष्ठ नागरिकलाई परिचय पत्र वनाउने प्रयोजनका लागि जिल्ला प्रशासन कार्यालय सम्म आईपुग्दा कठिनाई हुने गरेको भनि आरोप लागि रहेको बेला जिल्ला प्रशासन कार्यालय रामेछापले भने जिल्लाका सवै वडा कार्यालयहरुमा पुगेर राष्ट्रिय परिचयपत्र निर्माणका लागि अभियानै चलाएको छ ।
सर्वसाधारणले परिचय पत्र बनाउन आउँदा परेको समस्याका वारेमा राम्ररी मनन गरेका रामेछापका प्रमुख जिल्ला अधिकारी श्यामकृष्ण थापाले विशेष गरि असक्त र जेष्ठ नागरिकलाई परिचय पत्र वनाउने प्रयोजनका लागि सदरमुकाम सम्म आउनुपर्दा निकै समस्या परेको भन्दै परिचय पत्र बनाउँनका लागि अभियाननै चलाएको हो ।
सरकारले सामाजिक सुरक्षा भत्ता लिन र बैङ्क खाता खोल्न राष्ट्रिय परिचयपत्र अनिवार्य गरेपछि ज्येष्ठ नागरिक र असक्त व्यक्तिहरू समेत जिल्ला सदरमुकाम धाउनुपर्ने अवस्था आएको र त्यस कार्यको बारेमा सामाजिक सँजार र सँचार माध्यमहरुमा निकै आलोचना भएपछि जिल्ला प्रशासन कार्यालयले आफनो सेवालाई गाउँमै पु¥याउने नीति लिए अनुसारको काम भईरहेको जिल्ला प्रशासन कार्यालयले जनाएको छ ।
सामाजिक सुरक्षा भत्ता लिन र बैङ्क खाता खोल्न राष्ट्रिय परिचयपत्र अनिवार्य भएपछि ज्येष्ठ नागरिक र असक्त व्यक्तिहरू समेत जिल्ला सदरमुकाम धाउनुपर्ने अवस्था आएको थियो । त्यस्तो कठिनाइलाई मध्यनजर गर्दै जिल्ला प्रशासन कार्यालयले सेवा गाउँमै पु¥याउने नीति लिएको हो । प्रशासन कार्यालयले रामेछाप नगरपालिका ७ को शुकाजोर बाट शुरु गरेको यात्रा नगरपालिकाको वडा नं. १, ३, ४, ५, ६ र ७,८ र ९ मा कार्यक्रम सम्पन्न गरि अभियानबाट ६ सय ४६ जनाको विवरण सङ्कलन गरिसकिएकोएको छ भने १ सय ४१ वटा परिचय पत्र भने बनेर आएको छ ।
त्यसको सहजिकरणका लागि प्रशासनले जिल्लामा छुट्छुट्टै दुईटोली खटाएको रामेछापका प्रमुख जिल्ला अधिकारी श्यामकृष्ण थापाले जानकारी दिए । टोलीले स्थानिय निकायहरु सँग समन्वय गरि नागरिकलाई सहज रूपमा राष्ट्रिय परिचयपत्र उपलब्ध गराउन गाउँ–गाउँमै पुगेर परिचयपत्र वितरण तथा नयाँ विवरण सङ्कलन कार्यलाई निरन्तरता दिई रहेको पनि पनि प्रजिअ थापाले बताए ।
सोही अभियान अन्तर्गत सोमबारबाट गोकुलगंगा गाउँपालिका–१ चुचुरेमा बनेका परिचयपत्र वितरण र नयाँ परिचयपत्रका लागि विवरण सङ्कलन सुरु गरिएको हो । यसअघि सुनापति गाउँपालिकामा पनि बनेर आएका परिचयपत्र वितरण र नयाँ विवरण संकलनको काम सम्पन्न भइसकेको पनि प्रशासनले जनाएको छ ।
जेष्ठ नागरीक तथा अन्य सर्वसाधारण नागरिकहरुलाई पनि सदरमुकाम सम्म आएर दुख पाउनु नपरोस भनेर स्थानीय तह सँगको समन्वयमा वडा वडामानै पुगेर परिचयपत्र वितरण र तथ्याङ्क सङ्कलनको काम भईरहेको र यसलाई कार्यालयले अभियानकै रुपमा जिल्लाका सवै वडाहरु सम्म संचालन गर्ने पनि रामेछापका प्रमुख जिल्ला अधिकारी श्यामकृष्ण थापाले बताए ।
जस अन्र्तगत टोलीले यसैगरी सुनापति गाउँपालिकामा ५ सय ६७ जनाको विवरण सङ्कलन गरिएको छ । राष्टीय परिचयपत्र वितरणसँगै स्थानीय प्रहरीले वडा तह सम्म सचेतनामूलक कार्यक्रम पनि एकैसाथ सञ्चालन गरेको र यसबाट सर्व साधारणलाई निकै सजिलो भएको छ ।