रामेछापमा एमाले प्रतिनिधि चयन, सहमतिमै टुङ्गियो

रामेछाप मंसिर१४ । पार्टि नेतृत्वको ब्यापक प्रयास र कार्यकर्ताको ब्यापक असंन्तुष्टिका वीच नेकपा (एमाले) रामेछापले ११ औँ राष्ट्रिय महाधिवेशनका लागि आवश्यक प्रतिनिधिको छनौट सहमतिका आधारमा टुँग्याएको छ । पटक पटकको प्रयास पछि आइतबार जिल्ला इन्चार्ज कमल प्रसाद चौलागाई नेतृत्वको ४ सदस्यीय पार्टिको आधिकारिक समितिले सहमतिका आधारमा विधान अनुसार बाह्र जना जिल्ला नेताको नाम सहमतिमै टुङ्ग्याएको हो ।
पार्टि विधान अनुसार १२ जना प्रतिनिधि छनोटको लागि रामेछापमा कूल ६७ जनाले उम्मेद्वारी दर्ता गरेका थिए । प्रतिनिधी छनौट गर्ने अधिकार उमेद्वार हरुले सर्व सम्मत रुपमा जिल्ला ईन्चार्ज कमल चौलागाई,केन्द्रिय सदस्य गिता कार्की र जिल्ला अध्यक्ष पुरुषोतम् कडरिया समेत ४ सदसिय समिति लाई सर्व सम्मत रुपमा प्रतिनिधीको नाम सर्वसम्मत चयनका लागि अधिकार दिएका र सोहि आधारमा नेतृत्वले नाम टुँग्याएको थियो ।
जस अनुसार खुल्ला पुरुष तर्फ टंक चौलागाई (दोरम्बा गाउँपालिका–६) नेता ज्ञान कुमार योञ्जन (सुनापति गाउँपालिका–२), इन्द्रबहादुर तामाङ (खाँडादेवी गाउँपालिका–६), शान्ति प्रसाद पौडेल (गोकुलगंगा गाउँपालिका–५), पुरुषोत्तम कडरिया (लिखु तामाकोशी गाउँपालिका–६), आनन्द कुमार श्रेष्ठ (मन्थली नगरपालिका–६) रहेका छन् । यसमा ३४ जना पुरुषले उम्मेदवारी दर्ता गरेका थिए ।
यसैगरि महिला तर्फ उमाकुण्ड गाउँपालिकाकी गंगा कार्की, मन्थली नगरपालिकाकी शान्ता न्यौपाने सुवेदी, खाँडादेवी गाउँपालिकबाट मखमली श्रेष्ठ र रामेछाप नगरपालिकाबाट सिता केसी चयन भएका छन् । ४ महिलाका लागि १५ जनाले उम्मेदवारी दर्ता गरेका थिए । त्यसैगरि युवा तर्फ मन्थली नगरपालिकाका बलबहादुर माझीको नाम टुङ्गो लागेको छ । यसमा १५ जना युवाले उम्मेदवारी दिएका थिए । त्यसैगरि उत्पीडित दलित तर्फ मन्थलीकै सिताराम लोहार पनि सर्व सम्मत रुपमा चयन भएको नेकपा एमाले रामेछापले जनाएको छ ।