रामेछाप । रामेछाप नगरपालिकाका नवनिर्वाचित नगरप्रमुख लवश्री न्यौपानेले आफु जनताको सेवक भएको बताएका छन् । सोमबार नगर प्रमुखको कार्यभार सम्हाल्दै प्रमुख लबश्री न्यौपानेले उक्त धारणा ब्यक्त गरेका हुन् । आफनो नगरउपप्रमुख बाल कुमारी कार्की र उनले एकै पटक कार्यभार सम्हालेका हुन् ।
नगरका सबै वडाध्यक्ष,सदस्य र अन्य विपक्षि दलका नेताहरु समेतको रोहबारमा उनले भने १४ बर्षको उमेर देखि लोकतन्त्र र नागरिकको परिवर्तनका लागि लडेको मेरा कामहरु कहिलै पनि नागरिकको अहितमा हुने छैनन् । शुसासन र पारदर्शिता कायम गर्दै नगरको समुन्नतिका लागि मेरा कदमहरु अगाडी बढ्ने छन् ।
नगरपालीकाले आयोजना गरेको औपचारिक कार्यक्रमका विच न्यौपाने र थापालाई निवर्तमान नगरप्रमुख नरबहादुर थापामगर र नगर उपप्रमुख सृजना खड्काले नवनिर्वाचित नगरप्रमुख न्यौपाने र कार्कीलाई ५ वर्षको विचमा भएका कार्य प्रगतिका दस्तावेज सहित कानुन अनुसार आफुहरुले गर्दे आएको सबै जिम्मेवारी हस्तान्तरण गरेका थिए । नयाँ प्रमुख र उप प्रमुखलाई प्रमुख प्रशासकिय अधिकृत रामचन्द्र लामगादेले कार्यालयमा स्वागत गरेका थिए ।
कार्यभार सम्हाल्दै नगर प्रमुख न्यौपानेले जिल्ला अस्पताल रामेछापमा हाल रहेको अस्थाई विशेषज्ञ सेवालाई १२ महिना संचालन गर्ने र नगर भित्र रहेका सबै गर्भवति र सुत्केरी आमाहरुका लागि निशुल्क एम्बुलेन्स सेवा प्रदान गर्नै दुई निर्णयमा हस्ताक्षर पनि गरे । कार्यभार सम्हाल्दै नवनिर्वाचित नगरप्रमुख न्यौपानेले राजनितिक दलहरुका साथिहरु समेत संगको सहयोग र समन्वयमा आफुले काम गर्नै भन्दै उनले नगरको संबृद्धि र बिकाशका लागि आफुले दिलो ज्यान दिएर लाग्ने पनि बताए ।
उनले अघिल्लो सरकारको कार्यकालमा पनि धेरै राम्रो काम भएकोमा निर्वर्तमान प्रमुख र उनको टीमलाई धन्यबाद पनि दिए । तसर्थ ती खालका कामलाई निरन्तरता दिदै आफु अघि बढ्ने र बाँकि कामको हकमा योजना बनाएर काम गर्नै पनि सो अबसरमा जानकारी गराए ।
कार्यभार सम्हाल्नु अघि नगरप्रमुखले मुख्य निर्वाचन अधिकृतको रोहबरमा आफना सबै वडाअध्यक्ष र सदस्यहरुलाई पद तथा गोपनियताको सपथ ग्रहण गराएका थिए । सो अबसरमा उनले सबै निर्वाचीत टीमलाई विना आग्रह पुर्वाग्रह जनताको सेवकका रुपमा काम गर्नका लागि पनि निर्देशन दिए ।
त्यस पछि प्रमुख र उप प्रमुख दुवैले मन्थलीमा रहेको विपीको सालीकमा पुगेर माल्र्यापण र पुष्पगुच्छा अर्पण गरेका थिए । सो अबसरमा उनले आफु विपी कोईरालको विचार बाट निर्देशित भएर राजनितिमा लागेकोले विपिका मार्गनिर्देशनकै आधारमा काम गर्नै पनि बताए ।
यो बारेमा तपाईको प्रतिकृया