रामेछाप १९ जेठ । नेकपा एमालेले एक्लौटि बचस्व कायम गरेको खाँडादेवी गाउँ कार्यपालिकाले पुर्णता पाएको छ । विहिबार भएको कार्यपालिकाको निर्वाचनमा एमालेबाट निर्वाचित सदस्य बाहेक अरु कसैको पनि उमेद्वारी नपरेपछि सो पलिकाका सबै सदस्य हरु निर्बिरोध निर्वाचित भएपछि गाउँ कार्यपालीकाले पुर्णता पाएको हो । विवादका कारण रोकिएको निर्वाचन केहि दिन पछि सरेको खाँडादेवी गाउँकार्यपालिकाको निर्वाचन पनि केहि ढिलो भएकोले कार्यपालिका गठनमा पनि ढिलाई भएको थियो ।
खाँडादेवी गाउँ कार्यपालिकाका निर्वाचित सदस्य हरुमा क्रमशःअम्बिका श्रेष्ठ,उमा लामा,गोमा बि क,सानुकान्छी खडका,गोपाल दर्जी र बिमला माझी रहेका छन् । उनिहरुलाई गाउँपालिकाका अध्यक्ष ज्ञानकुमार श्रेष्ठले एक समारोहका वीच पद तथा गोपनियताको सपथ ग्रहण गराएका थिए । वडा नं १ मा नेकपा माओवादी केन्द्र र वडा नं ६ मा नेपाली कांग्रेसले वडाध्यक्ष जीतेको खाँडादेवीका वाँकि सबै वडामा सिङ्गो एमालेको टीम बिजयी भएको थियो ।
जिल्लाका आठ स्थानीय तह माध्ये मन्थली नगरपालिका, उमाकुण्ड गाउँपालिका, लिखु तामाकोशी गाउकार्यपालिका गठनमा मतदान भएको भएपनि रामेछाप नगरपालिका, गोकुलगंगा गाउँपालिका, दोरम्बा शैलुङ् गाउँपालिका, सुनापति गाउँपालिका र खाँडादेवी गाउँपालिकामा निर्विरोध कार्यपालिका गठन भए संगै जिल्ला समन्वय वाहेकका पालिकाको सबै परिणाम आईसकेको जिल्ला निर्वाचन कार्यालय रामेछापले जनाएको छ ।
यो बारेमा तपाईको प्रतिकृया