रामेछाप । उपचारका क्रममा निधन भएका नेकपा एमाले वाग्मती प्रदेश सदस्य चित्रबहादुर कार्कीको अन्त्येष्टि गरिएको छ । आइतबार बिहान अन्नपूर्ण न्युरो अस्पताल काठमाडौको माइतीघरमा उपचारको क्रममा निधन भएका कार्कीको सोमबार दिउँसो पशुपति आर्यघाटमा अन्त्येष्टि गरिएको हो । ह्दयघाटका कारण उपचारका लागि अस्पताल भर्ना भएका कार्कीको पार्थिव शरीरमा नेकपा एमाले स्थायी कमिटी सदस्य कासिनाथ अधिकारीले झन्डा ओढाएर श्रद्धाञ्जली दिएका थिए । कार्किलाई श्रद्धाञ्जली दिन एमाले स्थायी कमिटी सदस्य कृष्णगोपाल श्रेष्ठ, शेरबहादुर तामाङ ,एमाले पोलिटब्युरो तथा केन्द्रिय कमिटीका सदस्य प्रदेश कमिटी र रामेछाप जिल्लाका नेता, कार्यकर्ता,आफन्त र शुभ चिन्तक ठुलो संख्यामा जिल्लाबासि समेत पशुपतिको आर्यघाट पुगेका थिए ।
स्वास्थ्यमा समस्या आएपछि कार्की केही दिन अघि उपचारको लागि अस्पताल भर्ना भएका थिए । २०२१ माघ २४ गते रामेछापको उमाकुण्ड गाउँपालिका–३ कुभुकास्थलिमा जन्मनु भएका कार्की २०५४ सालका स्थानीय निर्वाचनमा तत्कालीन कुभुकास्थली गाविसको अध्यक्षमा एमालेबाट निर्वाचित हुनुभएको थियो । कार्कीको निधनले एमाले पार्टीलाई ठुलो क्षति पुगेको रामेछापका नेता कार्यकर्ताले बताएका छन् ।
सालिन,बैचारीक र परिपक्क नेताको पहिचान बनाएका नेता कार्किको निधन प्रति एमाले रामेछाप सम्पर्क मंचले पनि दुख ब्यक्त गरेको छ । सम्पर्क मन्चका अध्यक्ष राकेश श्रेष्ठ र सचिब रविन्द्र भण्डारिले सयुक्त विज्ञप्ती मार्फत कार्किको मृत्युले एमाले पार्टिलाई अपुरणिय क्षति पुगेको भन्दै शोक सन्तप्त परिवार प्रति गहिरो समबेदना समेत प्रकट गरेको छ । विज्ञप्तीमा असार ६,७ र ८ गते सम्पर्क मन्चको कार्यालयको झण्डा आधा झुकाउने पनि जनाईएको छ । स्वर्गिय काकीका श्रीमती २ छोरा र १ छोरी रहेका छन् ।
यो बारेमा तपाईको प्रतिकृया