संघिय र प्रदेश निर्वाचनमा पनि गठबन्धन हुन्छ ः गुरुङ्ग

रामेछाप । नेपाली काँग्रेसका उपसभापति धनराज गुरुङ्गले मंसिरमा हुने संघिय र प्रदेश निर्वाचनमा पनि नेकपा माओवादी केन्द्र र नेकपा एस विच गठबन्धन हुने ठोकुवा गरेका छन् । सो कुरा उनले विहिबार मन्थली स्थीत पार्टि कार्यालयमा आयोजित कार्यकर्ता भेटघाट कार्यक्रमका अबसरमा बताएका हुन् ।
पाँच दलका शिर्ष नेताहरुको उदाहरण दिंदै उनले गत स्थानिय निर्वाचनमा निश्चित लक्ष्य र उदेश्यका साथ ५ चालकले संयुक्त रुपमा उडाएको उक्त जहाजलाई आगामि मंसिरमा हुने निर्वाचनमा पुगेर मात्र सुरक्षित अबतरण गराउनु पाँचै जनाको बाध्यता रहेको पनि बताए । तसर्थ पाँचै जना चालकका लागि सुरक्षित यात्राको लागि मिलेर जहाज चलाउनुको विकल्प नरहेको भन्दै आगामि निर्वाचन सम्म गठबन्धन आबश्यक रहेको पनि उनले बताए ।
सुरक्षाका लागि एउटै जहाज भित्र सबार पाँचैजना चालकले होशियारी पुर्वक जहाज नचलाउने हो भने जहाज दुर्घटनामा पर्न सक्ने भएकोले पनि सुरक्षीत यात्राको लागि सबैमा ईमान्दारीता आबश्यक पर्नै पनि गुरुङले बताए । उनले सोहि अनुसार सबै नेता कार्यकर्तालाई संघिय र प्रदेश निर्वाचनको तयारी अबस्थामा जुट्न पनि आग्रह गरे । नेकाका नेता तथा कार्यकर्ताहरुलाई पनि सोह अनुसारको तयारीमा जुट्न पनि उनले निर्दैशन दिए ।

सो अबसरमा आफुले स्थानिय निर्वाचनमा रामेछाप कांग्रेस भित्र भएको घात अन्र्तघात चुनावि परिणाम संगै चुनावी गतिविधि र अन्र्तघात गर्नै हरु प्रति पार्टिले गर्ने सम्भावित कार्वाहिका बारेमा पनि आफुले कुरा राखेको काँग्रेस प्रवक्ता नारायण बोगटिले जानकारी दिए । उनले यस खालका समस्या र तिनको समाधानका बारेमा पनि केन्द्रले आबश्यक तयारी गरि रहेको जानकारी गराएको पनि बोगटीले जानकारी दिए ।
कार्यक्रममा नेकाका पुर्व जिल्ला सभापति एबं रामेछाप नगरपालिकाका मेयर लबश्री न्यौपाने,उप सभापति लेख बहादर कार्की लगायतका नेता तथा कार्यकर्ताहरुको पनि सहभागिता रहेको थियो