लुभुघाट दुर्घटनामा मृतकको संख्या १३ पुग्यो ९ जनाको सनाखत ्

रामेछाप २१ असार । मंगलबार सुनापति गाउँपालिकाको लुभुघाटमा भएको बस दुर्घटनामा परि मृत्यु हुनेको संख्या १३ पुगेको छ । उपचारको क्रममा एक जनाको अस्पतालमा मृत्यु भएपछि मृतकको संख्या १३ पुगेको हो ।
मृतक १३ जनामध्ये घट्नास्थलमा मृत्यु हुने ९जनाको भने सनाखत भएको छ । सनाखत खुलेकाहरुमा सुनापति गाउँपालिका वडा नं ५ का ६० बर्षिय तुला बहादुर तामाङ ,३६ बर्षिय खर्क बिक,२२ बर्षिय बिपना तामाङ , ३६ बर्षिय सञ्जु तामाङ रहेका र उनिहरु चारैजना एउटै वडाका रहेको पनि प्रहरिले जनाएको छ । त्यस्तै सनाखत हुनेहरुमा सुनापति वडा नं ४ का २६ बर्षिया सम्रिता तामाङ ,काभ्रे पाँचखाल ८ का १८ बर्षिय सुदिप गजमेर,काभ्रेका मन्दन देउपुर ९ का ६० बर्षिय सुभलक्ष्मी मानन्धर ,काभ्रेको ४० बर्षिय कुल ब. बिक र काभ्रे रोशी ४ कै कमल तामाङ रहेको रामेछाप प्रहरी प्रमुख डिएसपी राजकुमार थिङले घटना स्थलबाट जानकारी दिएका छन् । उनका अनुसार मृतक १३ जना मध्य ४ जनाको भने सनाखत हुन बाकी रहेको छ ।