साँघुटारको सव–स्टेशन संचालनमा आएसंगै सर्व साधारणलाई राहत

रामेछाप । आठ बर्ष अघी देखि निर्माणको काम थालेको साँघुटार सव–स्टेशन संचालनमा आएको छ । शब स्टेसन निर्माण संगै आबश्यक सबै तयारी पुरा भएपछि आईतबारबाट उक्त सब स्टेसन संचालनमा आएको हो ।
मन्थली देखि साँघुटार सम्म लाईन विस्तार गरि निर्माण गरिएको ३३ केभि प्रशारण लाइनको उक्त सव–स्टेशन कार्यालय प्रमुख कृष्ण प्रसाद दाहालले स्वीच उद्घाटन् गरेपछि संचालनमा आएको हो । सब स्टेशन संचालनमा आएसंगै त्यस क्षेत्रमा लामो समय देखिको विद्युत प्रवाहको समस्मा सुधार हुने अपेक्षा राखिएको छ । पुर्ण तयारी पछि संचालनमा आएको उक्त सव–स्टेशनको दाहालले शनिबार सुभारम्भ गरेका हुन ।
साँघुटार सव–स्टेशन मार्फत रामेछाप जिल्लाको पूर्वि क्षेत्र गोठगाउँ सैपु र दुरागाउँ सम्मको विद्युतिकरणका लागि सम्म सहज हुने गरि प्राधिकरणले व्यवस्था मिलाइएको छ । शब स्टेसन संचालनमा आए संगै उक्त लाईनले रामेछापका अतिरीक्त ओखलढुङ्गाको पश्चिमी क्षेत्रमा पर्ने विभिन्न गाउँमा पनि विद्युतिकरणका लागि सहयोग पुग्ने छ । ती ठाउँहरुमा पनि उक्त सव–स्टेशनकै फिडरबाट विद्युति पठाईने भएकोले त्यसबाट उपभोक्ताहरुले राहतको अनुभुति गर्नै अपेक्षा कार्यालयले गरेको छ ।
यस अघी मन्थलीको सव–स्टशेनबाट वितरण भएको आधारमा काम चलाउ अबस्थामा नागरिकहरुले सेवा लिंदै आएका कारण आम नागरिकले हैरानी ब्यहोर्दे आएका थिए । साँधुटार सव–स्टेशनको संचालन आए संगै सर्ब साधारणले पनि खुसि ब्यक्त गरेका छन् । साँघुटारको सव–स्टेशन सम्म ३३ केभि सिधै पुग्ने भएकाले विद्युतको गुणस्तर समेत बढ्ने प्राधिकरणले जनाएको छ । बारम्बार विद्युत जाने समस्या पनि अव घटेर जाने केन्द्रले जनाएको छ । शब स्टेसनको निर्माण संगै एकातिर साँघुटार तर्फको विद्युत गुणस्तरिय हुने र अर्को तिर मन्थलीको विद्युत समेत प्रभावकारी वनाउनका लागि सहयोग पुग्ने पनि दाहालले जानकारी गराए । ।
रामेछापको मन्थली सव–स्टेशनबाट वितरण भएका विद्युत सिधैं व्यक्तिको घरमा पुग्ने भएकाले गुणस्तर देखि बारम्बार गईरहने समस्याबाट गुज्रदै आएको छ । साँघुटार जस्तै दोरम्बा, राकाथुम र बाम्तीमा निर्माणाधिन सव–स्टेशनको निर्माण पुरा भई संचालनमा आएििछ विद्युतीकरणमा अपैक्षा गरिए भन्दा बढि सुधार हुने अपेक्षा कार्यालयले गरेको छ । शब स्टेशन संचालनमा आएसंगै आफुहरु उत्साहित भएको स्थानिय समाजसेवी नवराज ढकालले जानकारी दिए ।