रामेछाप प्रहरीले मोटरसाईकल सहितका १०चोर समात्यो

रामेछाप २४ । रामेछाप प्रहरीले मोटरसाईकल चोरिको आरोपमा चोरीका चार मोटरसाइकल सहित १० जनाई पक्राउ गरेको छ । उसले एक हप्ताको वीचमा गरेको एक हप्ते खोजी अभियान अन्र्तगत ति अभियुक्तलाई पक्राउ गरेको हो ।
कार्यालयमा विभिन्न समयमा परेका उजुरिका आधारमा प्रहरीले एक हप्ते खोजी अभियान सञ्चालन गरेको कार्यालय रामेछापका सूचना अधिकारी प्रहरी निरीक्षक राजुप्रसाद ढकालले जानकारी दिए । सो क्रममा तीन जनालाई जिल्ला भित्रबाट र बाँकीलाई जिल्ला बाहिरबाट पक्राउ गरेको पनि ढकालले बताए ।
जस अन्र्तगत प्रहरीले बा.प्र ०२–०३३ प ३९४५, बा.प्र. ०२ ०२२ प्र ३५२०, बा.प्र.०२ ०१५ प ५४७८ र प्रदेश ३.०२.०२९ प ९६१२ नम्बरका मोटरसाइकल फेला पारेको हो । यसरी मोटरसाइकल सहित पक्राउ पर्नेमा रामेछाप खाँडादेवी गाउँपालिका–६ माकादुमका रामचन्द्र बुढाथोकी, सोही वडाका सौरभ बुढाथोकी, सौरभ बुढाथोकी मोटरसाइकल वर्कसपमा काम गर्ने सर्लाही हरिपुर गाउँपालिका–६ का ज्ञासोधिम मन्सुर, खाँडादेवी गाउँपालिका–२ हिलेचौर सुवास तामाङ र सोही वडाका राजन योञ्जन रहेका छन् ।
त्यस्तै ललितपुरको ललितपुर महानगरपालिका–६ पोकुबाहालका लक्की शाक्य, म्याग्दी दरवाङ्ग गाउँपालिका घर भई हाल ललितपुर बस्ने विशेष राउत, खाँडादेवी गाउँपालिका–२ चुल्ठे पानीका घनश्याम कार्की, गोकुलगंगा गाउँपालिका–४ बेतालीका विनोद मुग्राती र नुवाकोट दुप्चेश्चर गाउँपालिका– ४ दुप्चेका रामशरण दमाई पनि पक्राउ परेका छन् ।
प्रक्राउ पर्ने मध्य चोरीको मोटरसाईकल लिएर आउँदै गर्दा खाँडादेवीको लुभुघाटमा पक्राउ परेका ३ जनालार्ई भने अड्डासार गरि बारदात स्थल काठमाडौमा पठाई सकिएको र बाँकि रहेका ७ जनाभने अनसन्धानका क्रममा रहेको पनि सूचना अधिकारी ढकालले जानकारी दिनु भयो ।