जिल्लाको संचार माध्यमलाई प्रोत्सान गर्नु स्थानिय सरकारको दायीत्व ः मोक्तान

रामेछाप । दोरम्बा शैलुङ्ग गाउँपालिकाका अध्यक्ष मैन कुमार मोक्तानले जिल्लाका आम संचार माध्यमलाई प्रोत्साहन गर्नु सबै पालिकाको दायित्व रहेको बताउनु भएको छ । सो कुरा उहाँले बुधबार सदरमुकाम मन्थलीमा २८ औ तामाङ्ग प्रसारण दीवस तथा तामाङ्ग भाषाको संरक्षणमा स्थानिय संचार माध्यमको भूमिका विषयक अन्र्तरक्रिया कार्यकम समारोहका अबसरमा बताउनु भएको हो ।
प्रमुख अतिथीको रुपमा बोल्दै प्रमुख मोक्तानले अप्रत्यासित र अकल्पनिय रुपमा बाहिरी जिल्लाबाट आउने संचार माध्यमका विलहरु र दबाबका कारण भुक्तानिमा पालिकाहरुलाई पनि समस्या हुने गरेको भन्दै आफनो पालिकाले पनि नितिगत रुपमै स्थानिय संचार माध्यमहरुलाई स्थापीत गर्न चाहेको पनि बताउनु भयो ।
बाहिरी जिल्लाबाट अन्धाधुन्द रुपमा आउने गरेका वेवारीसे अबस्थाका वीलका कारण जिल्लाका संचार माध्यमहरु धरासायी हुँदै गएकोले यस बर्ष देखिनै आफुले त्यसको समानुपातिक ब्यवस्थापन गर्न चाहेको पनि मोक्तानले बताउनु भयो । बाहिरबाट आउने विलको भुक्तानीको असर जिल्लाका संचार माध्यमहरुलाई पर्ने गरेको अनुभुतिका आधारमा अस्त ब्यस्त रुपमा चलेका संचार माध्यमहरुको ब्यवस्थापन र भुक्तानी प्रणालीका लागि पालिक गम्भिर रहेको पनि उहाँले बताउनु भयो ।
कार्यक्रमका अबसरमा उहाँले तामाङ्ग भाषाको संरक्षण जरुरी रहेको भन्दै त्यसमा एकरुपता कायम गर्नेका लागि भाषिक सम्मेलन जरुरी रहेको पनि उहाँले बताउनु भयो । विभिन्न भाषा भाषिमा अनेकता भएजस्तै प्रत्यक तामाङ्ग भाषिको लिपीमा पनि फरक पर्ने भएकोले यसको बैठान र आवश्यक ब्यवस्थापनका लागि भाषिक सम्मेलन आबश्यक रहेको पनि उहाँले बताउनु भयो ।
तामाङ्ग पत्रकार संघका जिल्ला अध्यक्ष सचेत घिसिङ्गको संचालनमा भएको उक्त कार्यक्रममा मन्थली नगरपालीकाकी उप प्रमुख ईश्वरी बस्नेत,लिखु तामाकोशि गाउँपालिकाकी उपाध्यक्ष दीपा पाख््रीन नेपाल पत्रकार महासंघका जिल्ला अध्यक्ष बद्री नयाँघरे,पुर्व अध्यक्षहरु हिमाल ढुंगेल र रमेश ढुंगेल गैसस महासंघका केन्द्रिय सदस्य मिलन कुमार घिसिङ्ग लगायतले तामाङ्ग भाषाको संरक्षणका लागि स्थानिय सरकारको मुख्य दायीत्व भएको भन्दै भाषाको संरक्षणमा संचार माध्यमहरुको पनि अहं भूमिका रहेको बताउनु भयो