रामेछापका गुरुङ युवा संघ बागमती प्रदेश कमिटीको अध्यक्ष

रामेछाप २५ भदौ । भक्तपुरमा सम्पन्न युवा संघ नेपाल बागमती प्रदेशको प्रथम अधिवेशनबाट जय गुरुङ अध्यक्षमा निर्वाचित हुनु भएको छ । अधिवेशनले नेकपा एमालेको भातृ संगठन राष्ट्रिय युवा संघ नेपाल बागमती प्रदेशको अध्यक्ष पदमा जय गुरुङलाई अध्यक्ष पदमा निर्वाचित गरेको छ ।
अधिबेसनले रामेछाप गोकुलगंगा गाउँपालिका निवासी गुरुङको अध्यक्षतामा बागमती प्रदेश कमिटीको पनि निर्माण गरेको छ । अधिवेशनले पदाधिकारी र केन्द्रीय कमिटीको सदस्यहरु पनि चयन गरेको छ । अधिवेशनबाट उपाध्यक्षमा दिलिप पौडेल,सचिबमा राजु तिवारी,सह–सचिबद्धयमा माधव शेरपाली, राजेश खड्का र कोषाध्यक्षमा नरेन्द्र भण्डारी निर्वाचित भएका हुन् । अधिवेशनले पदाधिकारी संगै ९७ सदस्यीय प्रदेश कमिटी निर्माण गरिएको पनि बताईएको छ ।