सित्खा बजार नजिकै बस दुर्घघटनामा १३ घाईते

रामेछाप २३ असोज । आईतबार विहान खाँडादेवी गाउँपालिका ३ सित्खा बजार नजिकैको चहरि खोलामा भएको सडक दुर्घटनामा १३ जना घाईते भएका छन् । दोरम्वा बाट काठमाडौका लागि छुटेको बा ३ ख ४०४८ नं को यात्रु बाहक बस दुर्घटना हुँदा बसमा सबार १३ जना यात्री घाईते भएका छन् ।
बस अत्याधिक गतिका कारण दुर्घटना परेको हुन सक्ने अनुमान स्थानिय हरुले गरेका छन् । दशैको समयमा टिका लगाएर फर्कदै गरेका यात्रु बोकेको बस रिर्जभ गरेर ल्याईएकोले बाटाको बारेमा मोड र ओरालोको अनुभब नभएका कारण अनियन्त्रीत भई दुर्घटना भएको हुन सक्ने जिल्ला प्रहरी प्रमुख डिएसपि राजकुमार थिङले जानकारी दिनु भयो । बसमा करिब ३०जना यात्रु सबार रहेको र उनिहरु मध्ये य १३ जना घाईते भएका र एक जनाको अबस्था गम्भिर रहेको पनि डिएसपी थिडले जानकारी दिनुभयो ।
सबैलाई प्रहरि सँगको सहयोगमा स्थानिय हरुले उद्धार गरि उपचारको लागि धुलिखेल अस्पतालमा पठाईएको छ । दुर्घटनाको खबर पाउना साथ प्रहरी प्रमुख थिङको नतृत्वमा प्रहरिको टोली पनि घटना स्थलमा पुगेको थियो ।