रामेछापमा पनि बाजागाजा सहितको उमेद्वारी दर्ता

रामेछाप २३ आसोज २०७९
आगामी मंसिर २४ गते हुन लागेको प्रतिनिधि सभा तथा प्रदेश सभा सदस्य निर्वाचनका लागि रामेछापमा पनि उमेद्वार हरुले मनोनयन दर्ता गरेका छन् ।
मनोनयन दाखिला गर्ने क्रमममा पहिलो चरणमा बाजा गाजा,ब्यानर र झण्डा सहित ताम झामका साथ मुख्य निर्वाचनको कार्यालयमा पुगेको नेकपा एमालेले केन्द्रीय सदस्य एबं निवर्तमान प्रदेश अर्थ मन्त्री कैलाश ढुंगेलले प्रतिनिधि सभाका लागि र निवर्तमान प्रदेश सांसद शान्ति प्रसाद पौडेल र नेकपा एमाले जिल्ला कमिटि सदस्य मिलन घिसिङले प्रदेश सभा सदस्यमा मनोनयन गरेका हुन् ।
त्यसैगरी गठबन्धन तर्फ नेपाली काग्रेसका जिल्ला पार्टि सभापति पूर्ण बहादुर तामाङ (कान्छाराम) र नेकपा माओवादी बाट २०६४ मा संबिधान सभा सदस्य तथ जिल्ला सचिब तारानारयण श्रेष्ठले प्रदेश सभा क बाट र नेकपा माओवादीका पोलिट ब्युरो सदस्य युवराज चौलागाँईले पनि प्रदेश सभा ख बाट उमेद्वारी दर्ता गराएका छन् । उनिहरुको टोलिले पनि र्याली र बाजा गाजा सहित निर्वाचन कार्यालयमा पुगेर मनोनयन पत्र दर्ता गराएको थियो ।
त्यसैगरी गठबन्धनको अर्को घटक मानिएको यसरी उमेद्वार दर्ता गराउनेमा नेकपा एसका पोलिटब्यूरो सदस्य देव शंकर पौडेलले प्रतिनिधि सभा सदस्यका लागि र जिल्ला अध्यक्ष समेत रहेको रमेश कुमार बस्नेतले प्रदेश सभा क का लागि एबं जिल्ला नेता अधिवक्ता झम्क कडेलले प्रदेश सभा ख का लागि उमेद्वारी दर्ता गराएका छन ।
त्यसैगरि नेपाल मजदुर किसान पार्टि, मंगोल नेशनल अर्गनाइजेशन, रा प्र पा, रा प्र पा नेपाल, राष्ट्रिय स्वतन्त्र पार्टि, बिपी काँग्रेस लागाएतका दलहरु सहित केहि स्वतन्त्र उमेद्वारले पनि मुख्य निर्वाचन कार्यालयमा पुगेर आ आफ्नो उमेद्वारी दर्ता गराएका छन् । मनोनयन शान्तिपुर्ण भएको र सबै उमेद्वारको संख्या भने निर्वाचन कार्यालयले ब्यस्तताको कारण देखाउँदै उपलब्ध गराई सकेको छैन् ।