रामेछाप ६ असार । बागमती प्रदेश सरकारले आगामी आर्थिक वर्ष २०७८÷७९ को बजेटमा आफैले संचारमाध्यम खोल्न बजेट बिनियोजन गरेकोमा आपत्ती जनाउदै नेपाल पत्रकार महासंघ रामेछापले प्रमुख जिल्ला अधिकारी मार्फत प्रदेशका मुख्यमन्त्रीलाई ज्ञापनपत्र बुझाएको छ । नेपाल पत्रकार महासंघ बागमति प्रदेशको निर्णय अनुसार – आइतबार महासंघका अध्यक्ष बद्री नयाँघरेको नेतृत्वमा जिल्ला प्रशासन कार्यालयमा पुगेको पत्रकारहरुको टोलीले सरकारद्धारा सृर्जित समस्या तत्काल संबोधन गर्न माग गर्दै प्रजिअ मार्फत ज्ञापन पत्र बुझाएको हो ।
नेपालका पत्रकारहरुको कूल सदस्य संख्याको ४८ प्रतिशत सदस्य रहेको तथा देशभर दर्ता भएका पत्रपत्रीका, रेडियो, टेलीभिजन र अनलाईन संचार माध्यममध्यको ६६ प्रतिशत रहेको बागमति प्रदेश सरकारले आफनो बजेटमार्फत यस्तो निर्णय गरेको भन्दै सो निर्णय तत्काल फिर्तालिन आफनो ज्ञापन पत्र मार्फत माग गरेको थियो । शाखाले प्रमुख जिल्ला अधिकारी गौलोचन सैजूमार्फत मुख्य मन्त्री डोरमणी पौडेललाई ज्ञापन पत्र बुझाएको हो । बागमती प्रदेश सरकारले आगामी आर्थिक वर्षमा आफ्नै मिडिया हाउस संचालनमा ल्याउने भन्दै १० करोड बजेट बिनियोजन गरेको थियो । यस विषयमा प्रदेशभित्रका सबै पत्रहरुले आपत्ती जनाउँदै आजै आ आफनो प्रशासन कार्यालय मार्फत मुख्य मन्त्रीलाई ज्ञापन पत्रका छन् । प्रदेश सरकारको यो निर्णयले देशभर दर्ता भएर संचालनमा रहेका पत्रपत्रिका, रेडियो, टेलिभिजन र अनलाईन मिडियाकै ६६ प्रतिशत हिस्सा ओगटेको बागमती प्रदेशभित्रका मिडिया र त्यससंग आवद्ध पत्रकारहरुलाई कुण्ठीत गर्ने उदेश्यले बजेट ल्याएको ज्ञापन पत्रमा उल्लेख गरिएको छ ।
ज्ञापन पत्र बुझदै प्रमुख जिल्ला अधिकारी गौलोचन सैजुले प्राप्त ज्ञापन पत्रलाई आजै मुख्य मन्त्रीको कार्यालयमा पुु¥याउने जानकारी दिनु भयो ।
यो बारेमा तपाईको प्रतिकृया