रामेछाप,६ फागुन । ८७ औं महाशिवरात्रिको अवसर पारेर ब्रह्माकुमारी राजयोग सेवा केन्द्र मन्थलीले राष्ट्र कल्याण का लागि शान्ति पद यात्रा र विश्व शान्तिको कामना सहित प्रवचन कार्यक्रमको आयोजना गरेको छ ।
शनिवार शिव र पार्वतीको झाँकी र कलसयात्रा सहित मन्थली स्थित ओम शान्ति भवन वाट निस्किएको पदयात्राले मन्थली वजारका बिभिन्न भागहरु परिक्रमा गरी पुनः भवनमै पुगेर प्रवचन कार्यक्रम गरेको थियो ।
ब्रह्माकुमारी राजयोग सेवा केन्द्र रामेछापकी प्रमुख सञ्चालिका सिता दिदिको अध्यक्षतामा सम्पन्न उक्त कार्यक्रममा मन्थली सहिद स्मृति वहुमुखी क्याम्पसका प्रमुख डा.भरत कु श्रेष्ठ, नेपाल पत्रकार महासंघ रामेछापका अध्यक्ष बद्री नयाँघरे, ब्रह्माकुमारी द्वय लक्ष्मी, रीता र ब्रह्कुमार सुन्दर वस्नेत लगाएतले बिश्व शान्तिको कामना सहित महाशिवारत्रि पर्वको महत्वका वारेमा चर्चा गर्नु भएको थियो ।
सोही अवसर पारेर पदयात्रा सुरु हुन पूर्व ब्रह्माकुमारी राजयोग सेवाकेन्द्र मन्थलीकोे भवनमा मन्थली नगरपालिकाका प्रमुख लव श्रेष्ठले झण्डोत्तोलन समेत गर्नु भएको थियो ।
पदयात्रामा सहभागि कलस सहितका कन्यान्हरु ।
यो बारेमा तपाईको प्रतिकृया