रामेछाप,फागुन १९ गते । यहि फागुन २७ गते हुने रामेछाप उद्योग बाणिज्य संघको निर्वाचनमा आफ्नो नेतृत्वमा रहेको संयुक्त ब्यवसायीहरुको समाबेसी समुहको प्यानलाई विजयी गराउन अध्यक्ष पदका उमेद्वार नविन कुमार थापामगरले सबै मतदाताहरुलाई अनुरोध गरेका छन् ।
शुक्रवार रामेछाप उद्योग बाणिज्य संघमा मनोनयन दाखिला पछि आयोजना गरिएको पत्रकार सम्मेलनका अवसरमा थापाले सो अनुरोध गरेका हुन् । कार्यक्रमका अबसरमा वोल्दै उनले समग्र ब्यवसायीहरुको हक हितमा लागेर ब्यवसाय प्रवद्र्धन सहित ब्यवसायको आधुनिकीकरणलाई अगाडि बढाउने कामहरु आफ्नो नेतृत्वले गर्ने प्रतिवद्धता ब्यक्त गरे
यस अघि उद्योग बाणिज्य संघका विभिन्न पदहरुमा वसेर काम गरिसकेको अनुभव आफुलाई भएको भएपनि कार्यान्वयन गर्ने ठाँउमा पुग्दा मात्र धेरै काम गर्न सकिने थप अनुभव आफ्नो भएको पनि बताए ।
आफ्नो समूह अनुभवी,सबै क्षेत्र र समुहका व्यवसायीहरु समावेस भएकोले आफ्नो टिमको जित सुनिश्चित भएको पनि उनले दावी गरे ।
उक्त समूहको वरिष्ठ उपाध्यक्षमा प्रकाश कुमार श्रेष्ठ, वाणिज्य तर्फको उपाध्यक्षमा राम सुदिश शाह, उद्योग तर्फको उपाध्यक्षमा आकाश रिजाल,महासचिबमा कुमार श्रेष्ठ, सचिबमा यज्ञ प्रसाद सुवेदी र कोषाध्यक्षमा झनक बहादुर बुढाथोकी (उत्तम) रहेका छन् ।
त्यसैगरी आजिवन सदस्यमा प्रमोद कुमार श्रेष्ठ, महिला सदस्यमा जया सुवेदी, खुल्ला सदस्यहरुमा क्रमशः अर्विन कुमार श्रेष्ठ, वासुदेव फुयाल, राजु श्रेष्ठ, श्याम कुमार श्रेष्ठ र हरेराम क्षेत्री रहेका छन् ।
यो बारेमा तपाईको प्रतिकृया