रामेछाप उद्योग बाणिज्य संघमा १४ पदका लागि २९ जनाको उमेद्वारी

रामेछाप,१९ फागुन । यहि फागनु २७ गते हुने निवाचनबाट निर्वाचित हुने १४ वटा पदका लागि २९ जनाको उमेद्वारी परेको छ ।
अध्यक्ष पदमा केशव प्रसाद घिमिरे, नविन कुमार थापा र नवराज ढुंगेल रहेका छन् ।
शुक्रवार भएको मनोनायन दाखिला पछिको प्रकाशित नामावली अनुसार अध्यक्ष पदमा ३ जनाको उमेद्वारी परेको छ भने अन्य पदाधिकारीहरुमा २÷२ जना परेको छ ।
आजिवन सदस्य र महिला सदस्यमा पनि २२ जना परेको छ भने ५ जना खुल्ला सदस्य का लागि १० जनाको उमेद्वारी परेको छ ।

महासंघको बिधानले अध्यक्ष १, बरिष्ठ उपाध्यक्ष १, उपाध्यक्षहरुः बाणिज्य र उद्योग गरी १÷ १ महासचिब १, सचिब १, कोषाध्यक्ष १, रहने ब्यवस्था छ भने महिला सदस्य १ जना, आजिवन सदस्य १ जना, र खुल्ला सदस्य ५ जना कुल १४ जना निर्वाचित हुने प्रावधान रहेको छ ।
बिधानमा निवर्तमान अध्यक्ष पदेन सदस्य हुने, ब्यवस्था छ भने नव निर्वाचिन समितिले १ जना महिला सदस्य र १ जना बिशिष्ट सदस्य पछि मनोनित गर्ने ब्यवस्था रहेको छ । यसो हुँदा कार्य समितिको कुल सदस्य संख्या १७ जना हुने बताइएको छ ।