रामेछाप,७ चैत गिरीजा प्रसाद कोइरालको १३ औं स्मृति दिवसमा जिपी फाउन्डेशनले गिरीजाप्रसाद कोइरलालाई सम्झना गरेर उनको तस्वीरमा माल्यार्पण गर्नुका साथै स्वर्गिय कोइरालाको नाममा मौनधारण समेत गरेको छ ।
सोहि अबसर पारेर मन्थली सहिद स्मृति वहुमुखी क्याम्पसमा नव निर्वाचित स्वतन्त्र विद्यार्थी यूनियनका सभापति लगाएत अन्य सदस्यहरुलाई सम्मान गरिएको थियो ।
फाउण्डेशनका अध्यक्ष दिपक खड्काको अध्यक्षता एबं नेपाली काँग्रेस महाधिवेशन प्रतिनिधि ध्रुवहरी ढुंगेलको प्रमुख आतिथ्यतामा सो कार्यक्रम सम्पन्न भएको थियो ।
कार्यक्रमका अबसरमा बोल्दै प्रमुख अतिथि ढुंगेल, नेपाली काँग्रेस रामेछापका उप सभापति लेख बहादुर कार्की, निवर्तमान कोषाध्यक्ष कुमार श्रेष्ठ, नेपाल पत्रकार महासंघका जिल्ला अध्यक्ष बद्रि नयाँघरे, ने वि संघका जिल्ला अध्यक्ष विनोद बुढाथोकी, फाउण्डेशनका उपाध्यक्ष विरेन्द्र श्रेष्ठ लगाएतले गिरीजा प्रसाद कोइरालाको योगदाको वारेमा चर्चा गर्नु भएको थियो ।
नेपालको राजनितिमा असाध्यै ख्याति कमाएका पूर्ब प्रधानमन्त्री कोइरलाले १० बर्षदेखि जनयुद्धमा होमिएको माओवादीलाई शान्ति प्रकृयामा मुलुकमा शान्ति स्थापना गरेका थिए । शाहसी एबं आटिला नेताका रुपमा चिनिएका कोइरालाको २०६६ चैत्र ७ गते मृत्यू भएको थियो ।
यो बारेमा तपाईको प्रतिकृया