रामेछाप,५ बैशाख । नेपाल प्रेस युनियन रामेछापका अध्यक्ष अप्रिल अधिकारीका दम्पतिलाई पुत्र शोक परेको छ ।
अधिकारी दम्पतीको १४ महिनाको छोराको आज विहान करिव ३ बजेको समयमा चितवनमा उपचारका क्रममा निधन भएपछि उनीहरुलाई पुत्रशोक परको हो ।
युनियन अध्यक्ष अधिकारी र युनियनकी केन्द्रीय पार्षद मञ्जु उप्रेती १४ महिना अघि छोरा जन्मिएदेखिनै उसको नियमिति उपचारमा थिए । जन्मनेवित्तिकै देखि नियमित २ महिना सम्म भेन्टिलेटरमा राखेर उपचार गरिएको थियो । उपचारका क्रममा आइसियू हुदै नर्मल बेडमा आउदा सम्म निक्कै सुधार भएपछि परिवारमा खुसीयाली छाएको थियो । निजलाई टाउको नथिग्रने नशा सम्बन्धि रोग भएका कारण लामो समयदेखि अधिकारी दम्पतीले चितवनमा राखेर नियमित रुपमा उपचार गराइरहेको थिए ।
अधिकारी दम्पति नेपाल पत्रकार महासंघ रामेछापका प्रदेश परिषद सदस्य पनि हुन् ।
यो बारेमा तपाईको प्रतिकृया