रामेछाप,६ वैशाख । संयुक्त ट्रेड युनियन सञ्जालले कर्मचारी मैत्री संघीय निजामती सेवा ऐन तत्काल जारी गराउन दवाव दिने उद्देश्यका साथ मन्थलीमा निमित्त प्रमुख जिल्ला अधिकारी लाई ज्ञापन पत्र बुझाएको छ ।
देशभर आजै यो कार्यक्रम रहेकोले जिल्ला प्रशासन कार्यलय मार्फत प्रधानमन्त्रीको कार्यालयलाई ज्ञापन पत्र बुझाएको निजामती कर्मचारी युनियन जिल्ला कार्य समिति रामेछापका अध्यक्ष दामोदर सुवेदीले वताउनुभयो ।
निजाती सेवा ऐन तत्काल जारी हुनपर्ने माग राख्दै संयुक्त ट्रेड युनियन सञ्जाल रामेछापले बुधवार निमित्त प्रजिअ अनोज कुमार घिमिरेलाई ज्ञापन पत्र बुझाएको हो ।
नेपाल निजामती कर्मचारी युनियन जिल्ला कार्य समिति रामेछापका अध्यक्ष दामोदर सुवेदी,नेपाल निजामति कर्मचारी संगठनका अध्यक्ष रोहिणी राज जैसी,नेपाल राष्ट्रिय कर्मचारी संगठन (निजामति) का जिल्ला अध्यक्ष रामहरी अधिकारी द्वारा संयुक्त रुपमा हस्ताक्षरीत ज्ञापन पत्रमा निजामती कर्मचारीहरुको सेवा सुविधा,औषधी उपचार,सरुवा,बढुवा,कार्यसम्पादन मुल्याङ्कन,सेवा अवधि, अनिवार्य अवकास,भौगोलिक कोष विभाजन,सामाजिक सुरक्षा,उपदान,निभृतिभरण,तालिम आरक्षण,ट्रेड युनियन अधिकार लगाएत बिषयमा सहजता ल्याउनु पर्ने कुराहरु उल्लेख गर्दै २१ वुँदे मागहरु राखिएका छन् ।
आफ््ना मागहरु पुरा नभए चरण बद्ध आन्दोलन गर्ने चेतावनी पनि संयुक्त ज्ञापन पत्रमा दिइएको छ ।
ज्ञापन पत्र बुझ्दै निमित्त प्रजिअ घिमिरेले निजामती कर्मचारीहरुको मागलाई सबन्धित निकायमा तत्काल पठाइदिने बताउनुभयो ।
यो बारेमा तपाईको प्रतिकृया