मन्थली,८ जेठ । मापदण्ड विपरीत पेट्रोलियम पदार्थ बिक्री वितरण गरेको आरोपमा मन्थलीको लक्ष्मी आयल स्टोर कार्वाहिमा परेको छ ।
कृत्रिम अभाव सिर्जना गरेर र बढी मूल्य लिएर पेट्रोलियम पदार्थ बिक्री वितरण गरेको भन्दै रामेछापको मन्थलीमा रहेको लक्ष्मी आलय स्टोर लाई जिल्ला प्रशासन कार्यालय रामेछापले २ लाख जरिवाना गरेको हो ।
सोमबार जिल्ला प्रशासन कार्यालय रामेछापका सहायक प्रमुख जिल्ला अधिकारी अनोज कुमार घिमिरेको नेतृत्वमा गएको अनुगमन टोलीले जरिवाना गरेको हो ।
सो आयल स्टोर्सका सञ्चालकले कृत्रिम अभाव सृजना गर्ने र मनलाग्दी मूल्य लिएर गैरकानुनी तरिकाले पेट्रोलियम पदार्थ बिक्री गरेको ठहर गर्दै कानुन अनुसार रु २ लाख रुपैयाँ जरिवाना गरिएको सहायक प्रमुख जिल्ला अधिकारी एवं अनुगमन निरीक्षक अनोज घिमिरेले बताउनुभयो ।
गैर कानुनी ढङ्गबाट बढी मूल्य लिएर बिक्री वितरण गरेको भन्दै यसअघि उक्त आयल स्टोर्सको बारेमा जिल्ला प्रशासन कार्यालयमा उजुरी परेको थियो ।
स.प्रजिअ घिमिरेले भन्नुभयो– “उक्त आयल स्टोर्सका बारेमा सूक्ष्म रूपले अनुगमन गर्दा सञ्चालकले गलत नै गरेको पुस्टी भएपछि हामीले जरिवाना गरेका हौँ । यो न्यूनतम जरिवाना हो ।”
जिल्लामा सदरमुकाम मन्थलीमा रहेका तीन वटा पेट्रोल पम्प मा ३÷४ दिन देखि पर्याप्त पेट्रोलियम पदार्थ नभएपछि आजै बिहान मात्र आएको सो पेट्रोल पम्पमा बढी मूल्य लिएर गैर कानुनी ढङ्गबाट बिक्री वितरण भएको पाइएको थियो ।
उता लक्ष्मी आयल स्टोर्सका सञ्चालक केशब घिमिरेले आफूले मूल्यमा कुनै पनि तलामाथि नगरेको र सबैलाई आयल निगमले तोकेको एउटै मूल्यमा बितरण गर्ने गरेको साथै विल माग्नेहरुलाई लाइन नभएका कारण आफ्नो आधिकारिक विल दिएको दाबी गर्नुभयो । दुई वर्ष अगाडि पनि यो आयल स्टोर पेट्रोलियम पदार्थमा मिसावट गरेको आरोपमा कार्वाहिमा परेको थियो ।
यो बारेमा तपाईको प्रतिकृया