भदौ २२ र २३ गते पत्रकार महासंघको मिडिया सम्मेलन

मकवानपुर,१६ साउन । नेपाल पत्रकार महासंघ बागमती प्रदेशले यहि भदौ २२ र २३ गते नुवाकोटमा मिडिया सम्मेलन गर्ने भएको छ ।
मंगलवार हेटौडामा बसेको महासंघका पदाधिकारीहरुको बैठकले सो निर्णय गरेको हो । बैठकले ‘सदस्यता शुद्धीकरण मापदण्ड –२०७९’ अनुसार महासंघको सदस्यता शुद्धिकरणका लागि जिल्ला शाखाहरुले कार्य अघि बढाएकोमा सबै शाखाहरुलाई धन्यवाद ब्यक्त गर्ने निर्णय गरेको छ भने
सो मापदण्ड अनुसार जिल्ला शाखाहरुबाट प्राप्त नयाँ सदस्यता र नविकरणको नामावली बिवरण सार्वजनिक गरी गुनासो÷उजुरी दिन आब्हन गरेकोमा प्राप्त उजुरी÷गुनासोमा मागदाबी लाग्ने हो वा होइन आधार र कारण सहित खुलाएर जिल्ला शाखाहरुबाट प्रमाण सहितको यथार्थ बिवरण २०८० साउन मसान्तभित्र माग गर्ने निर्णय गरेको छ ।
त्यसैगरी सदस्यता शुद्धीकरण मापदण्ड २०७९ अनुसार जिल्ला शाखाहरुबाट प्राप्त नयाँ सदस्यता र नविकरणको नामावली बिवरण सार्वजनिक गरी गुनासो÷उजुरी दिन आब्हान गरेकोमा प्राप्त उजुरी÷गुनासो बारे यथार्थ बिवरण बुझी २०८० साउन मसान्तभित्र प्रतिवेदन पेश गर्न बिभिन्न कार्यदलहरु गठन गरेको छ ।

कार्यदलको प्रतिवेदनका आधारमा महासंघले यहि भदौ १ गते पदाधिकारीहरुको, भदौ २ गते पत्रकार सम्बद्ध बागमती प्रदेश स्तरीय संघ,संगठनका नेतृत्वसँगको बैठक हेटौडामा र भदौ ९ गते पत्रकार महासंघको पूर्ण बैठक धादिङमा गर्ने समेत निर्णय गरेको छ ।