सिन्धुली,२३ भदौ । सिन्धुली हाइवे पेट्रोलियम डिलर्स यसोसिएसन सिन्धुलीमा रामहरी थाप पुनः निर्वाचित हुनु भएको छ ।
शनिवार सिन्धुलीमा सम्पन्न यसोसिएसनको दोस्रो साधारण सभा तथा अधिबेशनले थापालाई पुनः निर्वाचित गरेको हो ।
निवर्तमान महासचिब सागर सुबेदी र थापा विच भएको अध्यक्षको प्रतिस्पर्धामा सहमति जुट्न नसकेपछि गोला टिप्ने क्रममा पुनः थापा नै निर्वाचित हुनु भएको हो । यस अघि महासचिबमा कार्यरत अध्यक्षका प्रत्यासी सुवेदी लाई भने अधिबेशनले पुनः महासचिबमै निर्वाचित गरेको छ ।
यसरी नवगठित समितिमा रहनेहरुमा उपाध्यक्ष, सचिब कोषाध्यक्ष र सदस्यहरुमा क्रमश मित्र बहादुर थापा, सम्भु वराल बिश्वेश्वर, कामेश्वर महत्व , पहलमान घिसिङ, मनिष कार्की, चरित्र गोले र भुपाल खत्री रहनुभएको छ ।
अधिबेशनले महासचिव द्वारा प्रस्तुत सांगठनिक प्रतिवेदन र कोषाध्यक्ष द्वारा प्रस्तुत आर्थिक प्रतिवेदन पेश गर्नुका साथै गणेश सिलवला, गणेश पहाडि,हरिश्चन्द्र पौडेल, केशव घिमिरे जीवन बुढाथोकी र रुपा गोलेलाई सल्लाहकारमा मनोनित गरेको छ ।
उक्त यसोसिएसनका अध्यक्ष रामहरी थापाको अध्यक्षतामा सम्पन्न उक्त कार्यक्रमको उद्घाटन पेट्रोलियम डिलर्स यसोसिएसन केन्द्रीय समितिका अध्यक्ष लुलेन्द्र प्रसाद प्रधानले गर्नुभएको निर्वाचन समितिका सदस्य बिष्णु थापाले जानकारी दिनुभयो ।
यो बारेमा तपाईको प्रतिकृया