खाँडादेवी (रामेछाप),२० कार्तिक । बागमती प्रदेशका अान्तरिक मामिला तथा कानुन मन्त्री गंगा नारायण श्रेष्ठले प्रदेश प्रहरी ऐन चाडैनै कार्यान्वयनमा ल्याई प्रहरीहरुको समायोजन गर्ने बताउनुभएको छ । सो कुरा उहाँले सुनापाति गाँउपालिकामा नव निर्मित इलाका प्रहरी कार्यालय बेथान र खाँडादेवी गाँउपालिकाको माकादुममा नव निर्मित इलाका प्रहरी कार्यालय चोप्राङको उद्घाटन गर्दै बताउनुभएको हो ।
उहाले बागमती प्रदेश शाान्ति सुरक्षा, अमन चयन, गर्ने कुरामा सधै प्रतिबद्ध रहेको भन्दै मुलुकमा संबिधान संसोधन र संघिय गणतन्त्र प्रातिका लागि भएको जनयुद्धका वेला पहिलोपटक दोहोरो युद्ध भएको ऐतिहासिक स्थल बेथानमा प्रहरी चौकी स्थापनागर्न आबश्यक पहल गर्ने प्रतिबद्धता ब्यक्त गर्नुभयो ।
सो अवसरमा उहाले जिल्लाको खाँडादेवी गाउपालिकामा नव निर्मित इलाका प्रहरी कार्यालय चोप्राङ र सुनापाति गाँउपालिकामा नव निर्मित इलाका प्रहरी कार्यालय बेथानको छुट्टा छुट्टै उद्घाटन गर्नु भएको थियो ।
कार्यक्रमका अबसरमा बोल्दै मन्त्री श्रेष्ठले वागमती प्रदेश प्रहरी सुक्षाकर्मीलाई साधन स्रोत सम्पन्न बनाइ काम गर्ने योजनामा रहेको बताउनुभयो । उहाले लामो समय देखि प्रहरीहरुको समायोजन हुन नसकेको भन्दै अब छिट्टैनै समायोजनको काम सुरु हुने पनि बताउनुभयो । उहाले नागरिकहरु बिना वर्दिका प्रहरी र प्रहरी बर्दिका नागरिक भएकाले प्रहरीको हरेक काममा स्थानीय नागरिकले सहयोग गर्नुपर्ने कुरालाई जोड दिनुभयो ।
सो अबसरमा बोल्दै बागमती प्रदेश सांसद युवराज चौलागाँई, आनन्द श्रेष्ठ,बागमती प्रदेश प्रहरी प्रमुख किरण राणा,प्रमुख जिल्ला अधिकारी अनिता निरौला,सुनापति र खाँडादेवी गाँउपालिकाका अध्यक्षहरु क्रमशः ठुलो कान्छा तामाङ, ज्ञान कुमार श्रेष्ठ लगाएतले प्रहरीले खेलेको भुमिकाको वारेमा चर्चा गर्नुभएको थियो ।
उक्त भवनहरु मध्ये खाँडादेवी गाँउपालिका मा निर्मित इलाका प्रहरी कार्यालय चोप्राङ को साढे दुइ तले भवन खानी छायाश्वरी जे भि ले कुल ४ करोड ६१ लाख ६८ हजार ८६ रुपैयाको लागमता निर्माण गरेको थियो भने सुनापति गाँउपालिकामा नव निर्मित इलाका प्रहरी कार्यालय बेथानको भवन पनि सोही निर्माण कम्पनीले ४ करोड ६१ लाख ६८ हजार ८६ रुपैयाको लागतमा निर्माण गरेको थियो ।
दुवै कार्यालय भवनको भुई तलामा कार्यालय कक्ष ४ वटा, पुरुष र महिला हिरासत कक्ष १÷१ वटा, गार्ड रुम १, पहिलो तलामा जुनियर प्रहरी ब्यारेक १ प्र ज ,प्र ह ब्यारेक १ र महिला ब्यारेक १ रहेको छ भने दोस्रो तलामा कार्यालय प्रमुख निवास १, किचेन र डाइनिङ हल १ सञ्चार कक्ष १ रहेका छ । त्यसैगरी छुट्टै भान्साघर, महिला पुरुष शौचालय र प्रतिक्षालय समेत निर्माण गरिएको छ ।
कार्यक्रमका अबसरमा निःशुल्क जग्गादाता, निर्माण कम्पनीका प्रतिनिधिहरु र भवन निर्माणमा उल्लेख्य सहयोग पुर्याउने प्रहरी अधिकृत एबं कर्मचारीहरुलाई प्रशंसा पत्रले सम्मान गरिएको थियो ।
यो बारेमा तपाईको प्रतिकृया