मन्थली,२७ मंसिर । सामुदायिक वन उपभोक्ता महासंघ रामेछापले आफ्ना मतहतका सामुदायिक वन हरुको वार्षिक प्रतिवेदन तयारी र लेखा परिक्षण सथा सुशासन बृद्धि बिषयक एक दिने कार्यक्रमको बुधवार मथलीमा सम्पन्न गरेको छ ।
संस्थाका अध्यक्ष ज्ञान बहादुर खड्काको अध्यक्षता एबं महासंघका केन्द्रीय सदस्य दुर्गा बहादुर श्रेष्ठको प्रमुख आतिथ्यतामा सामुदायिक वनका पदाधिकारीहरु ,स्थानीय सामुदायिक वन उपभोक्ता समुहका पदाधिकारीहरु र नागरिक समाज विच समन्वयात्मक संवाद पनि भएको थियो ।
कार्यक्रमका अबसरमा केन्द्रीय सदस्य श्रेष्ठले सामुदायिक वन भित्र हुने अनियमितता र भ्रष्टाचारका बारेमा जानकारी गराउदै जुनसुकै सामुदायिक वनका पदाधिकारी एबं सदस्यहरुले यस्तो गर्न नहुने बताउनुभयो । उहाले सामुदायिक वनको बिधान परिमार्जन गर्ने नाममा धेरै अनियमितता हुने गरेकोमा आफुले सम्बन्धित निकाय र ब्यक्तिको ध्यानाकर्षण गराएर खवरदारी गरिरहेको बताउनुभयो ।
संस्थाका अध्यक्ष खड्काले समुदायमा लेखा राख्ने तरिकाको वारेमा जानकारी गराउदै सबै सामुदायिक वन हरुको लेखा चुस्त दुरुस्त र पारदर्शि हुनुपर्ने कुरार्लाइ जोड दिनुभयो । सो अबसरमा बोल्दै महासंघ कि प्रदेश महासचिब दिपशिखा दाहलले सामुदायिक वन भित्र पनि भ्रष्टाचार हुने गरेको भन्ने आरोप आउने गरेकोले त्यस्ता आरोप नआउने गरी काम गर्नु पर्ने बताउनु भयो ।
कार्यक्रममा सामुदायिक वन उपभोक्ता महासंघ का केन्द्रीय सदस्य, प्रदेश महासचिब प्रदेश सदस्य जिल्लाका पदाधिकारी एबं सल्लाहकारहरु, जिल्ला वन कार्यालयका प्रतिनिधि,सञ्चारकर्मी र बिभिन्न सामुदायिक वन उपभोक्ता समुहका पदाधिकारी एबं सदस्यहरुको सहभागिता रहेको थियो ।
यो बारेमा तपाईको प्रतिकृया